കഞ്ചാവ് കേസിലെ പ്രതികള്ക്ക് 10 വര്ഷം കഠിന തടവിന് ശിക്ഷ വിധിച്ചു. 2020 ജൂലൈ മാസം 17 ന് കോട്ടയം , കടുത്തുരുത്തി കുറുപ്പന്തറയില് വച്ച് , ലോറിയില് 59.5 കി.ഗ്രാം കഞ്ചാവ് കൈവശം വച്ച് കടത്തികൊണ്ടുവന്ന കേസിലെ പ്രതികളായ , കോട്ടയം ജില്ലയില് പേരൂര് വില്ലേജില് തെള്ളകം കരയില് കളപ്പുരക്കല് ജോസ് കെ.സി ( 42) , കോട്ടയം തലയാഴം തോട്ടകം ഭാഗത്ത് തലപ്പള്ളില് ഗോപു ( 27) , കൊല്ലം ഓച്ചിറ മഠത്തില്ക്കാരായ്മ ഭാഗത്ത് കൃഷ്ണവിലാസം അതുല് ( 27) എന്നിവരെ പത്ത് വര്ഷം കഠിന തടവിനും 100000 രൂപ പിഴ അടക്കുന്നതിനും പിഴ അടച്ചില്ലെങ്കില് ഒരു വര്ഷം കൂടി കഠിന തടവിനും തൊടുപുഴ NDPS സ്പെഷ്യല് കോടതി ജഡ്ജ് ജി. മഹേഷ് ശിക്ഷ വിധിച്ചു. കടുത്തുരുത്തി എസ്.ഐ ആയിരുന്ന റെനീഷ് റ്റി. എസും സംഘവും ഇവരെ അറസ്റ്റ് ചെയ്യുകയും കടുത്തുരുത്തി എസ്.എച്ച്.ഒ ആയിരുന്ന ബിനു ബി.എസ്. അന്വേഷണം നടത്തി എസ്.എച്ച്.ഒ ഗോപകുമാര് ജി കുറ്റപത്രം കോടതിയില് സമര്പ്പിക്കുകയുമായിരുന്നു. കേസില് പ്രോസിക്യൂഷന് വേണ്ടി NDPS കോടതി സ്പെഷ്യല് പബ്ലിക് പ്രോസിക്യൂട്ടര് അഡ്വ.ബി.രാജേഷ് ഹാജരായി.
0 Comments