ഏറ്റുമാനൂര്‍ നഗരസഭയിലെ പതിമൂന്നാം വാര്‍ഡ് കണ്ണമ്പുരയില്‍ സിപിഎം പ്രവര്‍ത്തക, സ്വതന്ത്ര സ്ഥാനാര്‍ഥിയായി മത്സര രംഗത്ത്. സിപിഎമ്മിന്റെ പ്രതിനിധിയായി ഗ്രാമപഞ്ചായത്ത് മെമ്പര്‍ ആയി തിരഞ്ഞെടുക്കപ്പെട്ടിട്ടുള്ള ഉമ സുരേഷാണ് വീണ്ടും ജനവിധി തേടുന്നത്. എഡിഎസ് ചെയര്‍പേഴ്‌സണ്‍, കുടുംബശ്രീ സെക്രട്ടറി, പ്രസിഡണ്ട്, പുന്നത്തറ ഗവണ്‍മെന്റ് യു.പി സ്‌കൂള്‍ പിടിഎ പ്രസിഡണ്ട് എന്നീ സ്ഥാനങ്ങള്‍ വഹിച്ചിട്ടുള്ള സ്ഥാനാര്‍ഥി തികഞ്ഞ ആത്മവിശ്വാസത്തോടെയാണ് തെരഞ്ഞെടുപ്പ് പ്രചരണം നടത്തുന്നത്.
കഴിഞ്ഞവര്‍ഷം സിപിഎം പുന്നത്തറ ബ്രാഞ്ച് സെക്രട്ടറി ആയിരുന്നു. നിലവില്‍ മത്സര രംഗത്ത് എത്തിയതിന് തുടര്‍ന്ന് ഇവരെ പാര്‍ട്ടി സസ്‌പെന്‍ഡ് ചെയ്തു. നിലവില്‍ ജനകീയ സ്ഥാനാര്‍ത്ഥിയായി മത്സരിക്കുന്ന ഉമ്മയുടെ ചിഹ്നം കുട ആണ്. സ്ഥാനാര്‍ത്ഥി തന്റെ കാല്‍ നൂറ്റാണ്ട് കാലത്തെ പാര്‍ട്ടി പ്രവര്‍ത്തന പരിചയം മുന്‍നിര്‍ത്തിയാണ് ജനസമ്മതി തേടുന്നത്. ഉമ പ്രതിനിധാനം ചെയ്യുന്ന ബ്രാഞ്ച് കമ്മിറ്റിയുമായുള്ള വിയോജിപ്പാണ് ഇവരെ മത്സര രംഗത്ത് എത്തിച്ചത്.
.jpg)
0 Comments