ഏറ്റുമാനൂര്‍ പട്ടിത്താനം റൗണ്ടാനയ്ക്കു സമീപം ഓടയില്‍ അകപ്പെട്ട നായക്ക് സ്ഥാനാര്‍ത്ഥിയും യുവാക്കളും രക്ഷകരായി. റോയല്‍ ഫര്‍ണിച്ചര്‍ സ്ഥാപനത്തിലെ ജീവനക്കാരായ യുവാക്കളും ഏറ്റുമാനൂര്‍ നഗരസഭ 24-ാം വാര്‍ഡിലെ എന്‍ഡിഎ സ്ഥാനാര്‍ത്ഥി ജഗദീഷ് സ്വാമി ആശാനും ചേര്‍ന്നാണ് ഓടയ്ക്കുള്ളില്‍ നിന്നും നായയെ സുരക്ഷിതമായി പുറത്തെത്തിച്ചത്.
മാധ്യമ പ്രവര്‍ത്തകന്‍ അജേഷ് ജോണും രക്ഷാപ്രവര്‍ത്തനത്തില്‍ പങ്കു ചേര്‍ന്നു. ഓട്ടോ സ്റ്റാന്‍ഡിനോട് ചേര്‍ന്നുള്ള ഓടയില്‍ കുടുങ്ങിക്കിടന്ന നായയെ റോയല്‍ ഫര്‍ണിച്ചര്‍ സ്ഥാപനത്തിലെ ജീവനക്കാരായ ആരിഷ് മോന്‍, ടിന്‍സണ്‍, റോബിനോ എന്നിവര്‍ ചേര്‍ന്ന് സ്ലാബ് പൊളിച്ചുമാറ്റി രക്ഷപ്പെടുത്തുകയായിരുന്നു. നായയെ രക്ഷപ്പെടുത്തിയ യുവാക്കളെ നാട്ടുകാര്‍ അനുമോദിച്ചു.
.jpg)
0 Comments