Breaking...

9/recent/ticker-posts

Header Ads Widget

ആന പാപ്പാനെ കുത്തി വീഴ്ത്തി.



ഇടഞ്ഞ ആന പാപ്പാനെ കുത്തി വീഴ്ത്തി. ലോറിയില്‍ അങ്കമാലിയിലേക്ക് കൊണ്ടുപോവുകയായിരുന്ന നിലമ്പൂര്‍ അര്‍ജുനന്‍ എന്ന ആനയാണ് ഒന്നാം പാപ്പാന്‍ സാലിയെ കുത്തി വീഴ്ത്തിയത്.  വെമ്പള്ളിക്കു സമീപം വച്ചാണ് ആന ഇടഞ്ഞത്. ആര്‍പ്പൂക്കരയില്‍ ഉത്സവത്തില്‍ പങ്കെടുത്ത ശേഷം മടങ്ങുന്നതിനിടയിലാണ് സംഭവം.

  മുന്‍കാലുകളില്‍ ചങ്ങലയുണ്ടെങ്കിലും ആനയെ തളയ്ക്കാന്‍ കഴിഞ്ഞിട്ടില്ല. ലോറിയിലെ സുരക്ഷാ വേലി തകര്‍ത്താണ് ആന റോഡിലിറങ്ങിയത്. റോഡരികില്‍ നിലയുറപ്പിച്ച ആനയെ തളയ്ക്കാന്‍ വിദഗ്ധരായ പാപ്പാന്മാരും എലഫെന്റ് സ്‌ക്വാഡും സ്ഥലത്തെത്തി. യാത്രക്കിടയില്‍ ആന  ഇടഞ്ഞതോടെ പോലീസ് റോഡ് ഗതാഗതം നിയന്ത്രിച്ചു. സാരമായി പരിക്കേറ്റ ഒന്നാം പാപ്പാന്‍ സാലിയെ കോട്ടയം മെഡിക്കല്‍ കോളേജില്‍ പ്രവേശിപ്പിച്ചു. ഇടഞ്ഞ കൊമ്പന്‍ വയലശ്ശേരി അര്‍ജുനനെ പിന്നീട് തളച്ചു. നന്ദുവിന്റെ  നേതൃത്വത്തിലുള്ള എലിഫെന്റ് സ്‌ക്വാഡ് സ്ഥലത്തെത്തി ആനയെ തളയ്ക്കുകയായിരുന്നു. ഡോ സാബുവും സ്ഥലത്തുണ്ടായിരുന്നു.


Post a Comment

0 Comments