ഏറ്റുമാനൂര്‍ റെയില്‍വേ സ്റ്റേഷനില്‍ നടപ്പാക്കുന്ന വികസന പ്രവര്‍ത്തനങ്ങള്‍ പുരോഗമിക്കുന്നു

പ്രധാനമന്ത്രിയുടെ അമൃത് ഭാരത് പദ്ധതിയിലൂടെ ഏറ്റുമാനൂര്‍ റെയില്‍വേ സ്റ്റേഷനില്‍ നടപ്പാക്കുന്ന വികസന പ്രവര്‍ത്തനങ്ങള്‍ പുരോഗമിക്കുന്നു. പ്രവേശന വഴികളുടെ നിര്‍മ്മാണവും, പ്ലാറ്റ്‌ഫോമുകളില്‍ പ്രത്യേക ക്രമീകരണങ്ങളും, കഫറ്റേരിയ, ദിവ്യാംഗര്‍ക്ക് പ്രത്യേക പ്രവേശന പാത, പാര്‍ക്കിംഗ് ക്രമീകരണങ്ങള്‍ എന്നിവയാണ് ഏറ്റുമാനൂരില്‍ ഒരുക്കുന്നത്. 

നീണ്ടൂര്‍ അതിരമ്പുഴ റോഡുകളെ ബന്ധിപ്പിക്കുന്ന റെയില്‍വേ സ്റ്റേഷന്‍- മറ്റം റോഡ് കോണ്‍ക്രീറ്റ് ചെയ്തു സഞ്ചാരയോഗ്യമാക്കും. ഏറ്റുമാനൂര്‍ റെയില്‍വേ സ്റ്റേഷന്റെ വികസനത്തിന്  വലിയ മുന്നേറ്റമാണ്  ഉണ്ടാകുന്നത്. ഇതിനിടയില്‍ നീണ്ടൂര്‍ റോഡില്‍ നിന്നും റെയില്‍വേ സ്റ്റേഷനിലേക്കള്ള  പ്രവേശന പാതയില്‍ ഒരുക്കിയ പ്രവേശന കവാടം മാര്‍ഗ്ഗ തടസ്സം ആകുമെന്ന അഭിപ്രായവും ഉണ്ട്. നിലവില്‍ ഒരുക്കിയ പ്രവേശന കവാടത്തിന്റെ പില്ലറുകള്‍ റോഡിലേക്കിറങ്ങി നില്‍ക്കുന്നത്  അശാസ്ത്രീയമാണെന്ന ആക്ഷേപം ശക്തമായിട്ടുണ്ട്. റെയില്‍വേ ഉദ്യോഗസ്ഥരുടെ ശ്രദ്ധക്കുറവും അനാസ്ഥയും ആണ് അലങ്കാര ഗോപുരത്തിന്റെ പില്ലര്‍ പ്രവേശന വഴിയുടെ മധ്യത്തായി നിര്‍മിക്കാന്‍ കാരണമായതെന്ന് ആക്ഷേപമുയരുന്നു.