ഇന്‍സ്റ്റിറ്റിയൂഷന്‍ ഓഫ് ഹോമിയോപ്പത്‌സ് കേരള കോട്ടയം ജില്ലാ സമ്മേളനവും ഹോമിയോപ്പതി ഡോക്ടര്‍മാര്‍ക്കായുള്ള ഓട്ടോ ഇമ്മ്യൂണ്‍ സെമിനാറും നവംബര്‍ 30 ന് തെള്ളകം ചൈതന്യ ഓഡിറ്റോറിയത്തില്‍ നടക്കും. സമ്മേളനംമന്ത്രി വി. എന്‍. വാസവന്‍ ഉദ്ഘാടനം ചെയ്യുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. മീനച്ചില്‍ താലൂക്ക് ലൈബ്രറി കൗണ്‍സില്‍ പ്രസിഡന്റ് ഡോ. സിന്ധുമോള്‍ ജേക്കബ് മുഖ്യാതിഥിയായിരിക്കും. ഇമ്മുണോറ -2025 എന്ന സെമിനാറില്‍, ഓട്ടോ ഇമ്യൂണ്‍ രോഗങ്ങളിലും ആസ്ത് മ കേസുകളിലും ഹോമിയോപ്പതിയുടെ സാധ്യതകള്‍ എന്ന വിഷയത്തില്‍ ഡോ. ജോളി എസ് ജനാര്‍ദ്ദനന്‍, ഡോ. ആര്‍ എസ് അജിത് കുമാര്‍ എന്നിവര്‍ ക്ളാസുകള്‍ നയിക്കും.
ആധുനിക ജീവിത സാഹചര്യത്തില്‍ വര്‍ധിച്ചു വരുന്ന ഓട്ടോ ഇമ്യൂണ്‍ അസുഖങ്ങള്‍ കൃത്യമായ ഹോമിയോപ്പതി ചികിത്സയിലൂടെ പൂര്‍ണമായും ചികിത്സിച്ചു ഭേദമാക്കാന്‍ സാധിക്കും. ഈ വിഷയത്തില്‍ ഹോമിയോപ്പതി ഡോക്ടര്‍മാര്‍ക്കായുള്ള Continuous medical education ഭാഗമായിട്ടാണ് ഈ സെമിനാര്‍ നടത്തപ്പെടുന്നത്. ഐ. എച്ച്. കെ യുടെ ഭാഗമായി സംസ്ഥാനത്തലത്തില്‍ നടത്തപ്പെടുന്ന 'സമഗ്രം' സ്‌പെഷ്യലിറ്റി മെഡിക്കല്‍ ക്യാമ്പുകളുടെ കോട്ടയം ജില്ലാതല പ്രഖ്യാപനം ഡോ. സിന്ധുമോള്‍ ജേക്കബ് നിര്‍വഹിക്കും. വിട്ടുമാറാത്ത രോഗങ്ങളുടെ ചികിത്സയില്‍ ഹോമിയോപ്പതിയുടെ പ്രാധാന്യവും വ്യാപ്തിയും സമൂഹത്തില്‍ എത്തിക്കുന്നതിനായി സംസ്ഥാനമെമ്പാടും സംഘടിപ്പിക്കുന്ന പദ്ധതിയുടെ ഭാഗമായി കോട്ടയം ജില്ലയില്‍ 8 സ്ഥലങ്ങളില്‍ സൗജന്യ മെഡിക്കല്‍ ക്യാമ്പുകള്‍ നടത്തും. ഏറ്റുമാനൂര്‍ പ്രസ് ക്ലബ്ബില്‍ നടന്ന വാര്‍ത്ത സമ്മേളനത്തില്‍ ഐ.എച്ച്. കെ കോട്ടയം ജില്ലാ പ്രസിഡന്റ് ഡോ. ശ്രീകുമാരി ദിലീപ്, സെക്രട്ടറി ഡോ. ജ്യോതിഷ് ടി. കെ. ട്രഷറര്‍ ഡോ. വിമല്‍ ശര്‍മ, ഡോ. സോമരാജ് എന്നിവര്‍ പങ്കെടുത്തു.
.jpg)
0 Comments