.webp)
തദ്ദേശസ്വയംഭരണ സ്ഥാപനത്തിലേക്ക് നടക്കുന്ന തെരഞ്ഞടുപ്പിനുള്ള നാമനിര്‍ദ്ദേശ പത്രിക സമര്‍പ്പണം പൂര്‍ത്തിയായി. പത്രികസമര്‍പ്പിക്കാന്‍ അവസാന നിമിഷവും സ്ഥാനാര്‍ത്ഥികളുടെ വന്‍തിരക്ക് അനുഭവപ്പെട്ടു. വെള്ളിയാഴ്ച മൂന്നു മണി വരെയായിരുന്നു നാമനിര്‍ദ്ദേശപത്രിക സമര്‍പ്പിക്കാന്‍ അവസരമുണ്ടായിരുന്നത്. എന്നാല്‍ നാമ നിര്‍ദ്ദേശ പത്രിക പൂരിപ്പിക്കുകയും സ്ഥാനാര്‍ത്ഥിത്വം ഉറപ്പാക്കുകയും നാമനിര്‍ദ്ദേശകരെ കണ്ടെത്തുവാനും സ്ഥാനാര്‍ത്ഥിയുടെയും നാമനിര്‍ദ്ദേശകന്റെയും പേര് സ്ഥാനാര്‍ത്ഥി പട്ടികയില്‍ ഉണ്ടെന്ന് ഉറപ്പുവരുത്തുവാനും കെട്ടിവെക്കുവാനുള്ള തുക കണ്ടെത്താനും സ്വതന്ത്ര സ്ഥാനാര്‍ത്ഥികള്‍ അടക്കമുള്ളവര്‍ നടത്തിയ ശ്രമങ്ങള്‍ അവസാദിവസം വരെയെത്തിയതാണ് തിരക്കു വര്‍ധിപ്പിച്ചത്. രാഷ്ട്രീയ പാര്‍ട്ടികളിലെ ധാരണകളുടെ അടിസ്ഥാനത്തില്‍ അനുയോജ്യരായ സ്ഥാനാര്‍ത്ഥികളെ കണ്ടെത്തി മത്സരിപ്പിക്കുന്നതില്‍ ചിലയിടങ്ങളില്‍ കാലതാമസമുണ്ടാവുകയും ചെയ്തു വരണാധികാരികള്‍ സ്വീകരിച്ച നാമനിര്‍ദ്ദേശ പത്രികയുടെ സൂക്ഷ്മപരിശോധന ശനിയാഴ്ച നടക്കും. തിങ്കളാഴ്ച അന്തിമ ലിസ്റ്റ് പ്രസിദ്ധീകരിക്കും. നാമനിര്‍ദേശാ പത്രിക പിന്‍വലിക്കുവാനുള്ള അവസാന നിമിഷം കഴിയുന്നതോടെ മാത്രമേ മത്സരത്തിന്റെ ശരിയായ ചിത്രം തെളിയുകയുള്ളൂ. എങ്കിലും തെരഞ്ഞെടുപ്പിന്റെ വീറും വാശിയും ഗ്രാമവീഥികളില്‍ ഫ്‌ലക്‌സ് ബോര്‍ഡുകളായും പോസ്റ്ററുകളായും തെളിഞ്ഞു കഴിഞ്ഞു. ഡിസംബര്‍ 9 നാണ് കോട്ടയം ജില്ലയില്‍ തെരഞ്ഞെടുപ്പ്നടക്കുന്നത്.
.jpg)
.webp&description=നാമനിര്‍ദ്ദേശ പത്രിക സമര്‍പ്പണം പൂര്‍ത്തിയായി. ){kind=link}
0 Comments