പി.വി. തോമസ് പുല്ലാട്ടിന്റെ പതിനാറാമത് ചരമ വാര്‍ഷിക ആചരണം നടന്നു.

ഏറ്റുമാനൂര്‍ വികസന സമിതിയുടെ ആഭിമുഖ്യത്തില്‍ വിദ്യാഭ്യാസ വിചക്ഷണനായിരുന്ന പി.വി. തോമസ് പുല്ലാട്ടിന്റെ  പതിനാറാമത് ചരമ വാര്‍ഷിക ആചരണം നടന്നു. അനുസ്മരണ യോഗവും പി.ടി കോളജിലെ പൂര്‍വ്വ വിദ്യാര്‍ത്ഥി സംഗമവും തിരുവഞ്ചൂര്‍ രാധാകൃഷ്ണന്‍ എംഎല്‍എ ഉദ്ഘാടനം ചെയ്തു.  ഒരു കാലഘട്ടത്തില്‍ സാധാരണക്കാരായ വിദ്യാര്‍ത്ഥികള്‍ക്ക് പഠനാ അവസരങ്ങള്‍ ഒരുക്കിയ പി.വി. തോമസ് പുല്ലാട്ട്  വിദ്യാഭ്യാസ മേഖലയ്ക്ക് നല്‍കിയ സംഭാവന വിലപ്പെട്ടതാണെന്ന് തിരുവഞ്ചൂര്‍ രാധാകൃഷ്ണന്‍ പറഞ്ഞു.  വികസന സമിതി  ഓഡിറ്റോറിയത്തില്‍ സംഘടിപ്പിച്ച അനുസ്മരണ സമ്മേളനത്തില്‍  ഫാദര്‍ മാണി കലാപ്പുറം, അതിരമ്പുഴ ജുമാ മസ്ജിദ് ഇമാം ഹാഫിസ് മുഹമ്മദ് അക്ബര്‍ ബാഖവി, സീനിയര്‍ സിറ്റിസണ്‍ അസോസിയേഷന്‍ സംസ്ഥാന പ്രസിഡണ്ട് അരവിന്ദാക്ഷന്‍ നായര്‍, വി പബ്ലിഷേഴ്‌സ് ഡയറക്ടര്‍ വി മൂസക്കുട്ടി , വികസന സമിതി ഭാരവാഹികളായ ബി രാജീവ് വി എം തോമസ് വെമ്പേനി, തുടങ്ങിയവര്‍ പ്രസംഗിച്ചു.