കടുത്തുരുത്തി നിയോജക മണ്ഡലത്തില്‍ വിവിധ മേഖലകളില്‍ മികവു തെളിയിച്ച പ്രതിഭകളെ മോന്‍സ് ജോസഫ് എം.എല്‍.എ യുടെ നേതൃത്വത്തില്‍ ആദരിക്കുന്നു. യൂണിവേഴ്സിറ്റി പരീക്ഷകളിലെ റാങ്ക് ജേതാക്കളേയും, വിവിധ മത്സര പരീക്ഷകളില്‍ ഉന്നതവിജയം നേടിയവരേയും, എസ്.എസ്.എല്‍.സി. - പ്ലസ് ടു പരീക്ഷകളില്‍ ഫുള്‍ എ പ്ലസ് കരസ്ഥമാക്കിയ വിദ്യാര്‍ത്ഥി-വിദ്യാര്‍ത്ഥിനികളേയും പങ്കെടുപ്പിച്ചുകൊണ്ട് പ്രതിഭാസംഗമവും എം.എല്‍.എ. എക്സലന്സ് അവാര്‍ഡ്ദാന ചടങ്ങും ശനിയാഴ്ച ഉച്ചകഴിഞ്ഞ് 2.30 ന് കടുത്തുരുത്തി ഗൗരീശങ്കരം ആഡിറ്റോറിയത്തില്‍ നടക്കുമെന്ന് അഡ്വ. മോന്‍സ് ജോസഫ് എം.എല്‍.എ അറിയിച്ചു. എം.എല്‍.എ എക്സലന്സ് അവാര്‍ഡിനായി ആയിരത്തിലകം വിദ്യാര്‍ത്ഥികളാണ് തെരഞ്ഞെടുക്കപ്പെട്ടിരിക്കുന്നത്. കേരള ലോകായുക്ത ജസ്റ്റിസ് സിറിയക് ജോസഫ് പ്രതിഭാസംഗമം ഉദ്ഘാടനം ചെയ്യും.അഡ്വ. മോന്‍സ് ജോസഫ് എം.എല്‍.എ. അദ്ധ്യക്ഷത വഹിക്കും. ലഹരി വിരുദ്ധ കാമ്പയിന്‍ മുന്‍ എക്സൈസ് കമ്മീഷണര്‍ ഋഷിരാജ് സിംഗ് ഐ.പി.എസ്. ഉദ്ഘാടനം ചെയ്യും.. തുമ്പ വിക്രംസാരാഭായി സ്പേസ് സെന്റര്‍ ഡയറക്ടര്‍ ഡോ. എസ്. ഉണ്ണികൃഷ്ണന്‍ നായര്‍ മുഖ്യാതിഥിയായിരിക്കും.. കോട്ടയം ജില്ലാ കളക്ടര്‍ വി. വിഘ്നേശ്വരി ഐ.എ.എസ്. പ്രതിഭകളെ ആദരിക്കും. സിനിമാസംവിധായകനും മികച്ച നടനുമായ ദിലീഷ് പോത്തന്‍, പ്രമുഖ സിനിമാ നിര്‍മ്മാതാവ് ലിസ്റ്റിന്‍ സ്റ്റീഫന്‍, പ്രമുഖ നടനും സംവിധായകനുമായ രമേശ് പിഷാരടി, പ്രമുഖ സിനിമ - സീരിയല്‍ താരം നീനാകുറുപ്പ് എന്നിവര്‍ വിശിഷ്ട അതിഥികളായിരിക്കും. സിവില്‍ സര്‍വ്വീസ് പരീക്ഷയില്‍ കേരളത്തില്‍ നിന്ന് ഒന്നാംസ്ഥാനവും അഖിലേന്ത്യാടിസ്ഥാനത്തില്‍ ആറാം റാങ്കും കരസ്ഥമാക്കിയ ഗഹന നവ്യ ജയിംസിനെ യോഗത്തില്‍ അനുമോദിക്കും. കടുത്തുരുത്തി ബ്ലോക്ക് പഞ്ചായത്ത് പ്രസിഡന്റ് പി.വി.സുനില്‍, കടുത്തുരുത്തി ഗ്രാമപഞ്ചായത്ത് പ്രസിഡന്റ് എന്‍.ബി.സ്മിത എന്നിവര്‍ പ്രസംഗിക്കും.
.jpg)
.webp)
0 Comments