സാഹസികതയുടെ അനുഭവങ്ങള്‍ ഒരുക്കി പാലാ സെന്റ് തോമസ് അഡ്വഞ്ചര്‍ സ്‌പോര്‍ട്‌സ് ക്ലബ്ബ്

പെണ്‍കുട്ടികള്‍ക്ക് സാഹസികതയുടെ പുത്തന്‍ അനുഭവങ്ങള്‍ ഒരുക്കി പാലാ സെന്റ് തോമസ് കോളേജ് അഡ്വഞ്ചര്‍ സ്‌പോര്‍ട്‌സ് ക്ലബ്ബ്. സെന്റ് തോമസ് കോളേജിലെ അഡ്വഞ്ചര്‍ സ്‌പോര്‍ട്‌സ് ക്ലബ്ബിന്റെ ആഭിമുഖ്യത്തില്‍ സംഘടിപ്പിച്ച ഏകദിന ശില്പശാല പെണ്‍കുട്ടികള്‍ക്ക് വ്യത്യസ്ത അനുഭവമായിരുന്നു.  ശില്‍പ്പശാലയില്‍ കോട്ടയം ബിസിഎം കോളേജിലെ അന്‍പതോളം വിദ്യാര്‍ഥിനികള്‍ പങ്കെടുത്തു. സാഹസിക കായിക ഇനങ്ങളായ ബര്‍മ ബ്രിഡ്ജ്, റോക്ക് ക്ലൈമ്പിങ്, റാപ്പല്ലിംഗ്, റിവര്‍ റാഫ്റ്റിംഗ്, കനോയിങ്, കയാക്കിംഗ്, ടെന്‍ഡ് പിച്ചിംഗ്  തുടങ്ങിയവയെ ആസ്പദമാക്കിയാണ് ശില്പശാല സംഘടിപ്പിച്ചത്. ജവഹര്‍ ഇന്‍സ്റ്റ്യൂട്ട് ഓഫ് മൗണ്ടനിയറിങ്, പെഹല്‍ഗാം, കാശ്മീരില്‍ നിന്ന് വിദഗ്ധ പരിശീലനം നേടിയവരാണ് ശില്പശാലയില്‍ ക്ലാസുകള്‍ നയിച്ചത്.