പാലാ സെന്റ് മേരീസ് എല്‍.പി സ്‌കൂളില്‍ കലോത്സവം

പാലാ സെന്റ് മേരീസ് എല്‍.പി സ്‌കൂളില്‍ ഇഗ്‌നൈറ്റ് 2025 കലോത്സവത്തിന് തിരശ്ശീല ഉയര്‍ന്നു. മാണി സി കാപ്പന്‍ എംഎല്‍എ ഉദ്ഘാടനം നിര്‍വഹിച്ചു. വ്യാഴാഴ്ച രാവിലെ 9.30 മുതല്‍ 5 വേദികളിലായി ഇരുന്നൂറോളം കൊച്ചു കലാപ്രതിഭകളാണ് വിവിധ മത്സര ങ്ങളില്‍ മാറ്റുരച്ചത്. പ്രസംഗം, ലളിതഗാനം, അഭിനയഗാനം ,നാടോടി നൃത്തം, ഫാന്‍സിഡ്രസ്, പദ്യംചൊല്ലല്‍ മലയാളം, പദ്യം ചൊല്ലല്‍ ഇംഗ്ലീഷ്, കഥാകഥനം എന്നീ മത്സരങ്ങളിലാണ് മത്സരങ്ങള്‍ നടന്നത്. കുട്ടികളുടെ കലാമികവ് മാറ്റുരയ്ക്കുന്ന കലോത്സവം ഒരു സംസ്ഥാന കലോത്സവത്തിന്റെ  കെട്ടിലും മട്ടിലുമാണ് നടത്തപ്പെട്ടത് . ഉദ്ഘാടന യോഗത്തില്‍ സ്‌കൂള്‍ ഹെഡ്മിസ്ട്രസ് സി.ലിന്‍സി ജെ.ചീരാംകുഴി അധ്യക്ഷത വഹിച്ചു. ളാലം പഴയ പള്ളി സഹവികാരി റവ.ഫാ.ആന്റണി നങ്ങാപറമ്പില്‍ അനുഗ്രഹ പ്രഭാഷണം നടത്തി. പി.റ്റി.എ പ്രസിഡന്റ് ജോഷിബാ ജയിംസ് ആശംസയര്‍പ്പിച്ചു പ്രസംഗിച്ചു. അധ്യാപകരായ സി.ലിജി, ലീജാ മാത്യു, മാഗി ആന്‍ഡ്രൂസ്, സി.ജെസ്സ് മരിയാ,ലിജോ ആനിത്തോട്ടം, നീനു ബേബി, കാവ്യാമോള്‍ മാണി, ജോളി മോള്‍ തോമസ്, സി. മരിയാ റോസ്, എന്നിവര്‍ പ്രസംഗിച്ചു.