കോട്ടയം ജില്ലയുടെ അന്‍പതാമത് കളക്ടറായി ചേതന്‍ കുമാര്‍ മീണ ബുധനാഴ് ച ചുമതലയേല്‍ക്കും. രാവിലെ 10.00ന് കളക്ട്രേറ്റിലെത്തുന്ന അദ്ദേഹത്തിന് സ്ഥാനമൊഴിയുന്ന ജില്ലാ കളക്ടര്‍ ജോണ്‍ വി. സാമുവല്‍ ചുമതല കൈമാറും. ന്യൂഡല്‍ഹി കേരള ഹൗസ് അഡീഷണല്‍ റസിഡന്റ് കമ്മിഷണര്‍ ചുമതല നിര്‍വഹിച്ചുവരികയായിരുന്നു ചേതന്‍ കുമാര്‍ മീണ. 2018 ബാച്ച് ഉദ്യോഗസ്ഥനായ ചേതന്‍ കുമാര്‍ മീണ രാജസ്ഥാനിലെ ദോസ ജില്ലക്കാരനാണ്.
ഭാര്യ ഡോ. ശാലിനി മീണ, അച്ഛന്‍ പരേതനായ ഗിരിരാജ് മീണ, അമ്മ കൗസല്യ ദേവി. ജയ്പൂരിലെ മഹാരാജാ കോളജില്‍ നിന്ന് ബി.എസ്.സി. മാത്സ് പഠനശേഷം ഇന്‍കം ടാക്‌സ് ഓഫീസറായി ഡല്‍ഹിയില്‍ ജോലി നോക്കുന്നതിനിടയില്‍ സിവില്‍ സര്‍വീസ് പരീക്ഷയെഴുതി ആദ്യശ്രമത്തില്‍ തന്നെ വിജയിക്കുകയായിരുന്നു. പാലക്കാട് അസിസ്റ്റന്റ് കളക്ടര്‍. നെടുമങ്ങാട് സബ് കളക്ടര്‍, എറണാകുളം ഡിസ്ട്രിക് ഡവലപ്‌മെന്റ് കമ്മിഷണര്‍, സാമൂഹികനീതി വകുപ്പ് ഡയറക്ടര്‍ എന്നീ ചുമതലകളില്‍ പ്രവര്‍ത്തിച്ചിട്ടുണ്ട്. നിലവിലെ കോട്ടയം കളക്ടര്‍ ജോണ്‍ വി. സാമുവല്‍ ജലഗതാഗത വകുപ്പ് ഡയറക്ടറായി ചുമതലയേല്‍ക്കും.
0 Comments