.webp)
അന്തീനാട് ചൈതന്യ കുടിവെള്ള പദ്ധതി നവീകരിക്കുന്നു. ജില്ലാ പഞ്ചായത്ത് പദ്ധതിയില്‍ ഉള്‍പ്പെടുത്തി ജില്ലാ പഞ്ചായത്ത് മെമ്പര്‍ രാജേഷ് വാളിപ്ലാക്കല്‍ അനുവദിച്ച ഫണ്ട് ഉപയോഗിച്ചാണ് നവീകരണം. 7.5 ലക്ഷം രൂപ ഉപയോഗിച്ചാണ് പദ്ധതി നടപ്പിലാക്കുന്നത്. എണ്‍പതില്‍പരം കുടുംബങ്ങളാണ് ചൈതന്യ കുടിവെള്ള പദ്ധതിയില്‍ ഉള്ളത്. പാറത്തോട് സ്ഥിതിചെയ്യുന്ന കിണറ്റില്‍ നിന്നും വെള്ളം പമ്പ് ചെയ്തു കുളമാക്കല്‍ സോഫി സൗജന്യമായി നല്‍കിയ സ്ഥലത്താണ് പതിനെണ്ണായിരം ലിറ്റര്‍ സംഭരണശേഷിയുള്ള ഓവര്‍ഹെഡ്ടാങ്ക് നിര്‍മ്മിച്ചിരിക്കുന്നത്. പതിനൊന്ന് വര്‍ഷം മുന്‍പാണ് പദ്ധതി ആരംഭിച്ചത്.
ഫില്‍റ്ററിംഗ് യൂണിറ്റ്, ക്ലോറിനേറ്റര്‍ എന്നിവയുംസ്ഥാപിക്കും.പത്ത് ഹോട്ട്‌സ് പവര്‍ ശക്തിയുള്ള പുതിയ മോട്ടോറും സ്ഥാപിക്കും.ചൈതന്യ കുടിവെള്ള പദ്ധതിയുടെ പ്രസിഡന്റ് ദേവസ്യാച്ചന്‍ വരിക്കാനിക്കലിന്റെ അധ്യക്ഷത ചേര്‍ന്ന യോഗത്തില്‍ ജില്ലാ പഞ്ചായത്ത് മെമ്പര്‍ രാജേഷ് വാളിപ്ലാക്കല്‍ നിര്‍മ്മാണ ഉദ്ഘാടനം നിര്‍വഹിച്ചു. ബ്ലോക്ക് പഞ്ചായത്ത് മെമ്പര്‍ ലിസമ്മ ബോസ്, പഞ്ചായത്ത് മെമ്പര്‍ സ്മിതാ ഗോപാലകൃഷ്ണന്‍, കുര്യാച്ചന്‍ പ്ലാത്തോട്ടം, ബാബു കാവുകാട്ട്, സിബി പ്ലാത്തോട്ടം, ഷാജി വട്ടക്കുന്നേല്‍, സിജോ പ്ലാത്തോട്ടം, എം.പി രാമകൃഷ്ണന്‍ നായര്‍ മാന്തോട്ടം, കുടിവെള്ള പദ്ധതി ഭാരവാഹികളായ ബെന്നി കൊച്ചുപറമ്പില്‍, ടോമി കൊണ്ണുള്ളില്‍, തോമസ് കുന്നേല്‍ നിരപ്പേല്‍ തുടങ്ങിയവര്‍ പ്രസംഗിച്ചു.
.webp&description=ചൈതന്യ കുടിവെള്ള പദ്ധതി നവീകരിക്കുന്നു){kind=link}
0 Comments