സിപിഐ കോട്ടയം ജില്ലാ സെക്രട്ടറി ആയി അഡ്വ വി കെ സന്തോഷ് കുമാറിനെ തെരഞ്ഞെടുത്തു. കഴിഞ്ഞ രണ്ട് ദിവസങ്ങളില്‍ ആയി വൈക്കത്ത് നടന്നു വന്ന ജില്ലാ സമ്മേളനം ഏക കണ്ഠമായാണ്പുതിയ സെക്രട്ടറിയെ തീരുമാനിച്ചത്. എ ഐ ടീ യു സി ജില്ലാ സെക്രട്ടറി യായി പ്രവര്‍ത്തിച്ചു വരികയായിരുന്നു. പാര്‍ട്ടി ജില്ലാ അസിസ്റ്റന്റ് സെക്രട്ടറി ആയും, പാര്‍ട്ടി സംസ്ഥാന കൗണ്‍സില്‍ അംഗം ആയും പ്രവര്‍ത്തിച്ചിട്ടുണ്ട് . 1978 ല്‍ പ്ലാശനാല്‍ സെന്റ് ആന്റണീസ് ഹൈ സ്‌കൂളില്‍ എ ഐ എസ് എഫ് യൂണിറ്റ് സെക്രട്ടറി ആയി സംഘടനാ പ്രവര്‍ത്തനത്തില്‍ തുടക്കമിട്ട അഡ്വ വി കെ സന്തോഷ്‌കുമാര്‍ എ ഐ എസ് എഫിന്റെ ജില്ലാ സെക്രട്ടറി എ ഐ വൈ എഫ് ജില്ലാ സെക്രട്ടറി മീനച്ചില്‍ താലൂക്ക് കമ്മറ്റി അസിസ്റ്റന്റ് സെക്രട്ടറി സിപിഐ പൂഞ്ഞാര്‍ മണ്ഡലം കമ്മറ്റിയുടെ സെക്രട്ടറി തുടങ്ങിയ സ്ഥാനങ്ങളിലും പ്രവര്‍ത്തിച്ചു.
നിലവില്‍ പാര്‍ട്ടി സംസ്ഥാന കൗണ്‍സില്‍ അംഗം ആണ്. എ ഐ ടീ യൂ സി ജില്ലാ സെക്രട്ടറിയും എ ഐ ടീ യു സി ദേശീയ കൗണ്‍സില്‍ അംഗം, മീനച്ചില്‍ താലൂക്ക് ചെത്ത് തൊഴിലാളി യൂണിയന്‍ പ്രസിഡന്റ്, മീനച്ചില്‍ മദ്യ വ്യവസായ തൊഴിലാളി യൂണിയന്‍ പ്രസിഡന്റ് , സപ്ലൈകോ എംപ്ലോയീസ് യൂണിയന്‍ ജില്ലാ പ്രസിഡന്റ്, ചുമട്ടു തൊഴിലാളി യൂണിയന്‍, നിര്‍മാണ തൊഴിലാളി യൂണിയന്‍ തുടങ്ങിയ സംഘടനകളുടെ ഭാരവാഹിയായും പ്രവര്‍ത്തിച്ചു വരുന്നു. നിലവില്‍ സംസ്ഥാന മിനിമം വേജ് ബോര്‍ഡ് അഡൈ്വസറി മെമ്പര്‍ കൂടിയാണ് അഡ്വ. VK സന്തോഷ് കുമാര്‍
0 Comments