ഇന്‍സ്റ്റിറ്റിയൂഷന്‍ ഓഫ് ഹോമിയോപ്പത്‌സ് കേരള, കോട്ടയം ജില്ലാ സമ്മേളനവും, ഹോമിയോപ്പതി ഡോക്ടര്‍മാര്‍ക്കായുള്ള ഓട്ടോ ഇമ്മ്യൂണ്‍ സെമിനാറും മന്ത്രി VN വാസവന്‍ ഉദ്ഘാടനം ചെയ്തു. കേരളീയരുടെ ആരോഗ്യ സംരക്ഷണത്തില്‍ ഹോമിയോപ്പതി ചികിത്സ രീതി വലിയ സ്വാധീനം ചെലുത്തി കഴിഞ്ഞതായി മന്ത്രി വി.എന്‍ വാസവന്‍ പറഞ്ഞു. ജപ്പാന്‍ ജ്വരത്തെയും ചിക്കന്‍ഗുനിയയും പടിയ്ക്കു പുറത്തു നിര്‍ത്തുവാന്‍ ഹോമിയോ ചികിത്സ വഴി സാധിച്ചതായി കാലം തെളിയിച്ചതാണെന്നും അദ്ദേഹം അഭിപ്രായപ്പെട്ടു.
തെള്ളകം ചൈതന്യ ഓഡിറ്റോറിയത്തില്‍ നടന്ന സമ്മേളനത്തില്‍ ഐ.എച്ച്.കെ കോട്ടയം ജില്ലാ പ്രസിഡന്റ് ഡോ. ശ്രീകുമാരി ദിലീപ് അധ്യക്ഷത വഹിച്ചു. മീനച്ചില്‍ താലൂക്ക് ലൈബ്രറി കൗണ്‍സില്‍ പ്രസിഡന്റ് ഡോ. സിന്ധുമോള്‍ ജേക്കബ് മുഖ്യാതിഥിയായിരുന്നു.
ഓട്ടോ ഇമ്യൂണ്‍ രോഗങ്ങളിലും ആസ്മ കേസുകളിലും ഹോമിയോപ്പതിയുടെ സാധ്യതകള്‍ എന്ന വിഷയത്തില്‍ ഡോ. ജോളി എസ് ജനാര്‍ദ്ദനന്‍, ഡോ. ആര്‍.എസ് അജിത് കുമാര്‍ എന്നിവര്‍ ക്ളാസുകള്‍ നയിച്ചു. ഐ.എച്ച്.കെ യുടെ ഭാഗമായി സംസ്ഥാനതലത്തില്‍ നടത്തപ്പെടുന്ന 'സമഗ്രം' സ്‌പെഷ്യലിറ്റി മെഡിക്കല്‍ ക്യാമ്പുകളുടെ കോട്ടയം ജില്ലയിലെ തീയതി പ്രഖ്യാപനം ഡോ. സിന്ധുമോള്‍ ജേക്കബ് നിര്‍വഹിച്ചു. സംഘടന സെക്രട്ടറി ഡോ. ജ്യോതിഷ് ടി.കെ., ട്രഷറര്‍ ഡോ. വിമല്‍ ശര്‍മ, ഡോ. സോമരാജ്, ഡോക്ടര്‍ രാധാകൃഷ്ണന്‍ തുടങ്ങിയവര്‍ പ്രസംഗിച്ചു.
.jpg)
0 Comments