തീവ്ര വോട്ടര്‍ പട്ടിക പരിഷ്‌ക്കരണത്തിന്റെ സമയപരിധി ഡിസംബര്‍ 11 വരെ നീട്ടിയതായി കേന്ദ്ര തെരഞ്ഞെടുപ്പ് കമ്മീഷന്‍ അറിയിച്ചു. കേരളമുള്‍പ്പെടെയുള്ള 12 സംസ്ഥാനങ്ങളിലാണ് എസ്‌ഐആറിന്റെ സമയപരിധി നീട്ടിയത്. പുതിയ ഉത്തരവ് പ്രകാരം ഡിസംബര്‍ 11 വരെ എന്യുമറേഷന്‍ ഫോമുകള്‍ തിരികെ വാങ്ങും. ഡിസംബര്‍ 16 നായിരിക്കും കരട് പട്ടിക പ്രസിദ്ധീകരിക്കുക.
അന്തിമ പട്ടിക ഫെബ്രുവരി 14 ന് പുറത്തിറക്കും. കേരളത്തില്‍ തദ്ദേശ തെരഞ്ഞെടുപ്പ് നടക്കുന്ന സാഹചര്യത്തില്‍ അടിയന്തരമായി തീവ്രവോട്ടര്‍ പട്ടിക പരിഷ്‌കരണ നടപടികള്‍ നിര്‍ത്തിവെക്കണമെന്ന് ആവശ്യപ്പെട്ട് വിവിധ രാഷ്ട്രീയ പാര്‍ട്ടികള്‍ രംഗത്തെത്തുകയും സുപ്രീം കോടതി സമീപിക്കുകയും ചെയ്തിരുന്നു. ഈ സാഹചര്യത്തിലാണ് തീവ്രവോട്ടര്‍ പട്ടിക പരിഷ്‌കരണത്തിനുള്ള സമയപരിധി ഡിസംബര്‍ പതിനൊന്നുവരെ നീട്ടിയിരിക്കുന്നത്.
.jpg)
0 Comments