Breaking...

9/recent/ticker-posts

Header Ads Widget

രണ്ടാം തവണ ഉഴവൂര്‍ ഡിവിഷനില്‍ ജനവിധി തേടുകയാണ് അനിതാ രാജു



ജില്ലാപഞ്ചായത്ത് ഉഴവൂര്‍ ഡിവിഷനില്‍ നിന്നും 2015 ല്‍ വലിയ ഭൂരിപക്ഷത്തോടെ വിജയിക്കാന്‍ കഴിഞ്ഞതിലുള്ള ആത്മവിശ്വാസവുമായാണ് UDF സ്ഥാനാര്‍ത്ഥി അനിതാ രാജു പ്രചരണത്തിനിറങ്ങുന്നത്. കോട്ടയം ജില്ലയിലെ ഏറ്റവും മികച്ച ഭൂരിപക്ഷത്തോടെ വിജയിച്ച് ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മറ്റി അധ്യക്ഷയായും ജില്ലാ ആസൂത്രണ സമിതി അംഗമായും മികച്ച പ്രവര്‍ത്തനം കാഴ്ചവയ്ക്കാന്‍ അനിതാ രാജുവിന് കഴിഞ്ഞു. ജില്ലാ പഞ്ചായത്ത് ഫണ്ട് രാഷ്ട്രീയ ജാതി മത വത്യാസമില്ലാതെ വാര്‍ഡുകള്‍ക്ക് പകുത്തു നല്‍കി നാടിന്റെ വികസനത്തിനും കരുതലിനുമായി വിനിയോഗിച്ചതായി അനിതാ രാജു പറഞ്ഞു. 
ജനങ്ങള്‍ക്കൊപ്പം നിന്ന് പ്രവര്‍ത്തിച്ച അനുഭവ പരിചയത്തിന്റെ പിന്‍ബലവുമായി രണ്ടാം തവണ ഉഴവൂര്‍ ഡിവിഷനില്‍ ജനവിധി തേടുകയാണ് അനിതാ രാജു. 25 വര്‍ഷക്കാലം അംഗന്‍വാടി ടീച്ചറായും സേവനമനുഷ്ടിച്ചിട്ടുണ്ട്. ആദ്യഘട്ടത്തില്‍ പരമാവധിയാളുകളെ നേരില്‍ കണ്ട് വോട്ടഭ്യര്‍ത്ഥിക്കുകയാണ് സ്ഥാനാര്‍ത്ഥി. മരങ്ങാട്ടുപിള്ളി പഞ്ചായത്തിലെ കുറിച്ചിത്താനത്ത് കോണ്‍ഗ്രസ് നേതാക്കള്‍ക്കും ഗ്രാമ പഞ്ചായത്ത് സ്ഥാനാര്‍ത്ഥി ദീപാ ഷാജിക്കുമൊപ്പം അനിതാ രാജു വ്യാപാര സ്ഥാപനങ്ങളിലും ഓട്ടോസ്റ്റാന്റിലും വോട്ടഭ്യര്‍ഥിച്ച് പ്രചരണം നടത്തി.


Post a Comment

0 Comments