Breaking...

9/recent/ticker-posts

Header Ads Widget

അരുണാപുരം സെന്റ് തോമസ് ദൈവാലയത്തിന്റെ ആശീര്‍വാദ കര്‍മ്മം ഞായറാഴ്ച



പുനര്‍ നിര്‍മ്മാണം പൂര്‍ത്തിയാക്കിയ അരുണാപുരം സെന്റ് തോമസ് ദൈവാലയത്തിന്റെ ആശീര്‍വാദ കര്‍മ്മം  നവംബര്‍ 30 ഞായറാഴ്ച നടക്കും. നവംബര്‍ 30ന് രാവിലെ 7.30 ന് പാലാ രൂപത മെത്രാ ന്‍ മാര്‍. ജോസഫ് കല്ലറങ്ങാട്ട് നവീകരിച്ച ദൈവാലയത്തിന്റെ ആശീര്‍വാദ കര്‍മ്മം നിര്‍വ്വഹിക്കും. വികാരി റവ. ഫാ. അബ്രാഹം കുപ്പ പുഴയ്ക്കല്‍, അസി. വികാരി റവ. ഫാ. തോമസ് മധുരംപുഴ, കൈക്കാരന്‍മാരായ ജേക്കബ് ഇറ്റയ്ക്കുന്നേല്‍, ജോയി ഒഴുകയില്‍, ഫ്രാന്‍സിസ് പാലയ്ക്കാട്ടുക്കുന്നേല്‍, പള്ളി കമ്മിറ്റി അംഗങ്ങള്‍, മറ്റ് കമ്മിറ്റി അംഗങ്ങള്‍, ഭക്തസംഘടനാംഗങ്ങള്‍ എന്നിവര്‍ പരിപാടികള്‍ക്ക് നേതൃത്വം നല്‍കും. 42 വര്‍ഷങ്ങള്‍ക്ക് മുന്‍പ് സ്ഥാപിതമായ അരുണാപുരം സെന്റ് തോമസ് പള്ളിയുടെ ഉദ്ഘാടനം 1983 ഒക്ടോബര്‍ 23-ാം തീയതി സെന്റ് തോമസ് കോളേജ് ചാപ്പലില്‍ ദിവ്യബലി അര്‍പ്പിച്ച് അഭിവന്ദ്യ മാര്‍ ജോസഫ് പള്ളിക്കാപ്പറമ്പില്‍  നിര്‍വ്വഹിച്ചു. 
സെന്റ് തോമസ് കോളേജ് കോമ്പൗണ്ടിനോട് ചേര്‍ന്നുള്ള രൂപതയുടെ സ്ഥലത്തില്‍ നിന്ന് 1 ഏക്കര്‍ 49 സെന്റ് സ്ഥലം മാര്‍ ജോസഫ് പള്ളിക്കപറമ്പില്‍  സെന്ററിനു നല്‍കി. 42 വര്‍ഷങ്ങള്‍ കൊണ്ട് വളര്‍ന്ന്, രൂപതയിലെ ശ്രദ്ധിക്കപ്പെടുന്ന ഒരു ഇടവകയായി മാറിയിരിക്കുകയാണ്  അരുണാപുരം സെന്‍ തോമസ് ചര്‍ച്ച് . പാലാ സെന്റ് തോമസ് കോളജിനോട് ചേര്‍ന്ന്  സ്ഥിതിചെയ്യുന്ന ഈ ഇടവകയില്‍ മനോഹരമായ ദൈവാലയവും, മാതാവിന്റെ ഗ്രോട്ടോയും, ആത്മീയ ചൈതന്യം നിറയ്ക്കുകയാണ് . ഏറെ സൗകര്യങ്ങള്‍ ഉള്ള വിശാലമായ പാര്‍ക്കിംഗ് ഗ്രൗണ്ടും, 1150-ല്‍ പരം ആളുകള്‍ക്ക് ഒന്നിച്ച് ഭക്ഷണം കഴിക്കാന്‍ സാധിക്കുന്ന പാരിഷ്  ഹാളും, സ്വന്തമായുണ്ട്  രൂപതയുടെ വിവിധ സ്ഥാപനങ്ങളും, 11 സന്യാസഭവനങ്ങളും, അവരുടെ വ്യത്യസ്തങ്ങളായ ശുശ്രൂഷ സ്ഥാപനങ്ങളും ഇടവകയ്ക്ക്  കരുത്താകുകയാണ്. ചുരുങ്ങിയ മാസങ്ങള്‍ കൊണ്ട് ഇടവക ദേവാലയത്തിന്റെ  അള്‍ത്താര പുതുക്കി പണിയുകയും, ഉള്‍ഭിത്തികളും, മോണ്ടളവും കൂടുതല്‍ മനോഹരമാക്കുയും ചെയ്തു. കൂടുതല്‍ വിശ്വാസികളെ ഉള്‍കൊള്ളിക്കുന്നതിനായി, ഇരുവശങ്ങളിലേയ്ക്കും ദൈവാലയത്തിന്റെ മനോഹാരിത നഷ്ടപ്പെടുത്താതെ 14 അടി വീതിയില്‍ വിസ്തൃതി വര്‍ദ്ധിപ്പിച്ചു.


Post a Comment

0 Comments