വൈക്കം റോഡ് റെയില്‍വേ സ്റ്റേഷനില്‍ പരശുരാം എക്‌സ്പ്രസിന് സ്റ്റോപ്പ് അനുവദിച്ചു. പുതിയ സ്റ്റോപ്പില്‍ പുതിയ തുടക്കവുമായി കേന്ദ്ര മന്ത്രി ജോര്‍ജുകുര്യന്‍ ഫ്‌ലാഗ് ഓഫ് കര്‍മ്മം നിര്‍വഹിച്ചു. ആപ്പാഞ്ചിറ പൗരസമിതിയും ജനപ്രതിനിധിയും അടക്കമുള്ളവര്‍ കഴിഞ്ഞ കാല്‍ നൂറ്റാണ്ട് കാലമായി നടത്തിവന്ന ശ്രമങ്ങളുടെ വിജയമാണ് ഇത് എന്ന് യോഗത്തില്‍ അധ്യക്ഷത വഹിച്ച മോന്‍സ് ജോസഫ് എംഎല്‍എ പറഞ്ഞു. ഫ്രാന്‍സിസ് ജോര്‍ജ് MP, ഫാദര്‍ മാത്യു ചന്ദ്രന്‍ കുന്നേല്‍, റെയില്‍വേ ഡിവിഷനല്‍ മാനേജര്‍ തുടങ്ങിയവര്‍ ഫ്‌ലാഗ് ഓഫ് ചടങ്ങില്‍ പങ്കെടുത്തു. ഫ്രാന്‍സിസ് ജോര്‍ജ് MP യും BJP വെസ്റ്റ് ജില്ലാ പ്രസിഡന്റ് ലിജിന്‍ ലാല്‍, വിവിധ സംഘടനകള്‍ എന്നിവരെല്ലാം സ്റ്റോപ് അനുവദിക്കണമെന്നാവശ്യപ്പെട്ട് അധികൃതര്‍ക്ക് നിവേദനം നല്‍കിയിരുന്നു. ദീര്‍ഘകാലത്തെ കാത്തിരിപ്പിനും ശേഷം വൈക്കം റോഡ് റെയില്‍വേ സ്റ്റേഷനില്‍ ഒരു ട്രെയിനും കൂടി സ്റ്റോപ്പ് അനുവദിച്ച് കിട്ടിയത് പ്രദേശവാസികള്‍ ആവേശത്തോടെയാണ് ഏറ്റെടുത്തത്. നിത്യ യാത്രികരായ നാട്ടിലെ ജനങ്ങളുടെ ആവശ്യമായിരുന്നു വേണാട്, വഞ്ചിനാട് ,പരശുറാം എക്‌സ്പ്രസ്സുകള്‍ക്ക് വൈക്കം റോഡില്‍ സ്റ്റോപ്പ് ലഭിക്കുക എന്നത്.
പല കാരണങ്ങളാല്‍ ആ ആവശ്യം നിരാകരിക്കപ്പെടുകയായിരുന്നു.
2007 ല്‍ ജസ്റ്റീസ് കെ.ജി ബാലകൃഷ്ണന്‍ സുപ്രീം കോടതി ചീഫ് ജസ്റ്റീസ് ആയി സ്ഥാനം ഏറ്റതോടെ തിരുവനന്തപുരം - ന്യൂഡല്‍ഹി കേരള എക്‌സ്പ്രസ്സിന് വൈക്കം റോഡില്‍ സ്റ്റോപ്പ് ലഭിച്ചിരുന്നു. 2016 ല്‍ പ്ലാറ്റ്‌ഫോം നിര്‍മ്മാണം പൂര്‍ത്തിയാവുകയും സ്റ്റേഷന്റെ മറ്റ് അടിസ്ഥാന സൗകര്യങ്ങള്‍ പടിപടിയായി ഉയര്‍ന്ന് വരികയും ചെയ്തു. വൈക്കം റോഡ് റെയില്‍വേ സ്റ്റേഷനില്‍ നിന്നും ട്രെയിന്‍ യാത്ര ചെയ്ത് വന്നിരുന്ന വൈക്കം കടുത്തുരുത്തി പാലാ നിയോജക മണ്ഡലങ്ങളിലെ ആളുകളുടെ വര്‍ഷങ്ങള്‍ നീണ്ട കാത്തിരിപ്പിന് വിരാമം കുറിച്ച് കൊണ്ടാണ് ഇപ്പോള്‍ പരശുറാമിന്‌സ്റ്റോപ് അനുവദിക്കപ്പെട്ടത്. 2025 നവംബര്‍ 1 ന് ശനിയാഴ്ച 16649 മാംഗ്ലൂര്‍ - കന്യാകുമാരി പരശുറാം എക്‌സ്പ്രസ്സ് വൈക്കം റോഡ് റെയില്‍വേ സ്റ്റേഷനില്‍ സ്റ്റോപ്പ് അനുവദിച്ചത് യാത്രക്കാര്‍ക്ക് സൗകര്യപ്രദമായിമാറി.
.jpg)
0 Comments