ബൈക്കില്‍ കണ്ടെയ്‌നര്‍ ലോറി തട്ടിയുണ്ടായ അപകടത്തില്‍ സ്ത്രീ മരിച്ചു

ഭര്‍ത്താവ് ഓടിച്ച ബൈക്കില്‍ കണ്ടെയ്‌നര്‍ ലോറി തട്ടിയുണ്ടായ അപകടത്തില്‍ ഭാര്യയ്ക്ക് 

ദാരുണാന്ത്യം. തലയോലപ്പറമ്പ് ചാലപ്പറമ്പില്‍ ഉച്ചയ്ക് 2.45 ഓടെ ഉണ്ടായ അപകടത്തില്‍

അടിയം ശ്രീനാരായണ വിലാസം വീട്ടില്‍ പ്രമോദ് സുഗുണന്റെ ഭാര്യ ആശാ പ്രമോദ് (46) ആണ് മരിച്ചത്.. വൈക്കം ഭാഗത്തേയ്ക്ക് പോകുകയായിരുന്നു ആശയും ഭര്‍ത്താവ് പ്രമോദും. ഈ സമയം ഇവര്‍ സഞ്ചരിച്ചിരുന്ന ബൈക്കില്‍ ട്രെയിലര്‍ ലോറി തട്ടുകയായിരുന്നു. റോഡില്‍ വീണ ആശയുടെ ശരീരത്തിലൂടെ ലോറിയുടെ ചക്രങ്ങള്‍ കയറിയിറങ്ങി തല്‍ക്ഷണം മരണം സംഭവിക്കുകയായിരുന്നു. ഭര്‍ത്താവ് നിസാര പരിക്കുകളോടെ രക്ഷപെട്ടു. സംഭവത്തില്‍ തലയോലപ്പറമ്പ് പൊലീസ്കേസെടുത്തു.