നിയന്ത്രണം വിട്ട കാര്‍ മണ്‍തിട്ടയില്‍ ഇടിച്ചു കയറി മറിഞ്ഞു.

നിയന്ത്രണം വിട്ട കാര്‍ മണ്‍തിട്ടയില്‍ ഇടിച്ചു കയറി മറിഞ്ഞു. ഏറ്റുമാനൂര്‍ വൈക്കം റോഡില്‍ കുറുപ്പുന്തറ മാര്‍ക്കറ്റ് ജംഗ്ഷനു സമീപം രാവിലെ 9 മണിയോടെയാണ് അപകടമുണ്ടായത്. മറ്റൊരു വാഹനത്തെ മറികടക്കുവാന്‍ ശ്രമിക്കുന്നതിനിടയിലായിരുന്നു അപകടം. 

എതിര്‍ദിശയില്‍ നിന്നുമെത്തിയ വാഹനത്തില്‍ ഇടിക്കാതിരിക്കാന്‍  കാര്‍ വെട്ടിച്ചപ്പോഴാണ് നിയന്ത്രണം വിട്ട്  റോഡരികിലെ മണ്‍ തിട്ടയില്‍ ഇടിച്ചു കയറി മറിഞ്ഞത്.   കോട്ടയം ഭാഗത്തേക്ക് പോവുകയായിരുന്ന  കാര്‍ ഓടിച്ചിരുന്ന വൈദികന്‍ പരിക്കേല്‍ക്കാതെ രക്ഷപ്പെട്ടു.  അപകടത്തില്‍  കാര്‍ ഭാഗികമായി തകര്‍ന്നു.