ഏറ്റുമാനൂര്‍ പിഡബ്ല്യുഡി ഓഫീസിനു മുന്നില്‍ ധര്‍ണ്ണ നടത്തി.

ഏറ്റുമാനൂര്‍ ജനകീയ വികസന സമിതിയുടെ,ആഭിമുഖ്യത്തില്‍ ഏറ്റുമാനൂര്‍ പിഡബ്ല്യുഡി ഓഫീസിനു മുന്നില്‍ ധര്‍ണ്ണ നടത്തി. റസിഡന്റ്‌സ് അസോസിയേഷന്‍ അപ്പക്‌സ് കണ്‍സില്‍ പ്രസിഡന്റ് കെ.എം രാധാകൃഷ്ണപിള്ള ഉദ്ഘാടനം ചെയ്തു.  വികസന സമിതി പ്രസിഡന്റ് B രാജീവ് അധ്യക്ഷനായിരുന്നു. വിവിധ രാഷ്ട്രീയ  കക്ഷി നേതാക്കളായ അഡ്വ. ബിനു ബോസ്, ടോമി നരിക്കുഴി, അഭിലാഷ് കുര്യന്‍, അഡ്വ. സിബി വെട്ടൂര്‍,ജോയി തോമസ് ആനിത്തോട്ടം, പി.ബി രാജേഷ്.വ്യാപാരി വ്യവസായി ഏകോപന സമിതി  സ്റ്റേറ്റ് കമ്മിറ്റി അംഗം സിറില്‍ ജി. നരിക്കുഴി, വി.ജെ സെബാസ്റ്റ്യന്‍ വേങ്ങത്താനം, ബി.ജെ ഫിലിപ്പ് കുട്ടി, ജോയി തോമസ് ആനിത്തോട്ടം,വി.ബി രാജേഷ്, വനിതാ വേദി കണ്‍വീനര്‍ രാജീസ് വര്‍ഗീസ്, വികസന സമിതി വൈസ് പ്രസിഡണ്ട് രാജു ഇമ്മാനുവല്‍ എന്നിവര്‍ പ്രസംഗിച്ചു.

 ഓടകള്‍ മാലിന്യ മുക്തമാക്കണമെന്ന ആവശ്യവുമായാണ് പ്രതിഷേധ ധര്‍ണ്ണ നടത്തിയത്. വൃത്തിയാക്കേണ്ടത് മുനിസിപ്പാലിറ്റി ആണെന്നും, ഡിസംബര്‍ 31ന് മുമ്പ് മുഴുവന്‍ ഓടകളും മാലിന്യ വിമുക്തമാക്കണമെന്നും വികസന സമിതി പ്രസിഡണ്ട്  ആവശ്യപ്പെട്ടു.. ഡിസംബര്‍ 31 വരെ നടപടികളുണ്ടാകുന്നില്ലെങ്കില്‍  ജനുവരി 1, ന് പുതുവര്‍ഷ പുലരിയില്‍ ഏറ്റുമാനൂര്‍ മുന്‍സിപ്പല്‍ ഓഫീസ് ജനപങ്കാളത്തോടെ  ഉപരോധിക്കും എന്നും വികസന സമിതി പ്രസിഡന്റ് ബി രാജീവ്പറഞ്ഞു.