അഖില കേരള ഇന്റര്‍ സ്‌കൂള്‍ ചെസ് ടൂര്‍ണമെന്റ് ഡിസംബര്‍ 14ന്

ലയണ്‍സ് ക്ലബ് ഇന്റര്‍നാഷണല്‍ ഡിസ്ട്രിക്ട് 318 Bയുടെ ആഭിമുഖ്യത്തില്‍ അഖില കേരള ഇന്റര്‍ സ്‌കൂള്‍  ചെസ് ടൂര്‍ണമെന്റ് ഡിസംബര്‍ 14ന് കോട്ടയം ബേക്കര്‍ ഹൈസ്‌കൂള്‍ ഓഡിറ്റോറിയത്തില്‍ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. 7 റൗണ്ട് മത്സരങ്ങളുള്ള ടൂര്‍ണമെന്റില്‍ ഓരോ റൗണ്ടും 15 +5 മിനിറ്റ്‌സ് എന്ന അടിസ്ഥാനത്തില്‍ ആയിരിക്കും നടക്കുക. LP,  UP,  HS എന്നിങ്ങനെ മൂന്നു വിഭാഗങ്ങളിലാണ്  മത്സരം. ആണ്‍കുട്ടികള്‍ക്കും പെണ്‍കുട്ടികള്‍ക്കും പ്രത്യേകം സമ്മാനങ്ങള്‍ നല്‍കും. 

ആദ്യം രജിസ്റ്റര്‍ ചെയ്യുന്ന 300 പേര്‍ക്ക് മത്സരത്തില്‍ പങ്കെടുക്കാം. 156 ട്രോഫികള്‍, 18 ക്യാഷ് അവാര്‍ഡുകളും അടക്കം 174 പുരസ്‌കാരങ്ങള്‍ മത്സര വിജയികള്‍ക്ക് ലഭിക്കും. വാര്‍ത്താ സമ്മേളനത്തില്‍ ലയണ്‍സ് ഡിസ്ട്രിക് 318 B  ഗവര്‍ണര്‍ ആര്‍ വെങ്കിടാചലം, പ്രോഗ്രാം ജനറല്‍ കണ്‍വീനര്‍ മധു എം.വി, ഡിസ്ട്രിക്ട് പി ആര്‍ ഒ  എം.പി രമേഷ്‌കുമാര്‍ എന്നിവര്‍ പങ്കെടുത്തു.