മത്തായി മാത്യു കടപ്ലാമറ്റം ഗ്രാമ പഞ്ചായത്ത് പ്രസിഡണ്ട്

കടപ്ലാമറ്റം ഗ്രാമ പഞ്ചായത്ത് പ്രസിഡണ്ടായി കേരള കോണ്‍ഗ്രസ്സ് (എം) പ്രതിനിധി മത്തായി മാത്യു തെരഞ്ഞെടുക്കപ്പെട്ടു. എല്‍.ഡി.എഫ് ലെ മുന്‍ധാരണ പ്രകാരം ത്രേസ്യാമ്മ സെബാസ്റ്റ്യന്‍   രാജിവച്ച ഒഴിവിലാണ് തെരഞ്ഞെടുപ്പു നടന്നത്. യു.ഡി.എഫിലെ കെ.ആര്‍.ശശിധരന്‍ നായര്‍ ആയിരുന്നു എതിര്‍ സ്ഥാനാര്‍ത്ഥി. വോട്ടെടുപ്പില്‍ മത്തായി മാത്യുവിന് 8 വോട്ടുകളും, KR ശശിധരന്‍നായര്‍ക്ക് 5 വോട്ടുകളും ലഭിച്ചു. മീനച്ചില്‍ റബ്ബര്‍ മാര്‍ക്കറ്റിംഗ് സഹകരണ സംഘത്തിന്റെ കീഴിലുള്ള കൂടല്ലൂര്‍ ബ്ലോക്ക് റബ്ബര്‍ ഫാക്ടറി സൂപ്പര്‍വൈസറായി സേവനം അനുഷ്ഠിച്ചിരുന്നു. വയലാ പത്താം വാര്‍ഡിനെയാണ് മത്തായി മാത്യു പ്രതിനിധീകരിക്കുന്നത്. പതിമൂന്ന് അംഗ പഞ്ചായത്തില്‍ എല്‍.ഡി.എഫ് എട്ട്, യു.ഡി.എഫ് അഞ്ച് എന്നിങ്ങനെയാണ്കക്ഷിനില.