പാലാ ഏഴാച്ചേരി കാവിന്‍പുറം ഉമാമഹേശ്വര ക്ഷേത്രത്തില്‍ ദേവപ്രശ്ന പരിഹാര ക്രിയകളുടെ ഭാഗമായി മഹാമൃത്യുജ്ഞയ ഹോമവും അഷ്ടദ്രവ്യ മഹാഗണപതി ഹോമവും ഭഗവതിസേവയും ആരംഭിച്ചു. തന്ത്രിയുടെ പ്രതിപുരുഷന്‍ പെരിയമന നാരായണന്‍ നമ്പൂതിരി മുഖ്യകാര്‍മ്മികത്വം വഹിച്ചു. മേല്‍ശാന്തി വടക്കേല്‍ ഇല്ലം നാരായണന്‍ നമ്പൂതിരിയുടെ മുഖ്യകാര്‍മ്മികത്വത്തില്‍ വിശേഷാല്‍ പൂജകള്‍ക്ക് ശേഷം ക്ഷേത്രസന്നിധിയില്‍ പ്രത്യേകം തയ്യാറാക്കിയ ഹോമമണ്ഡപത്തിലാണ് ചടങ്ങുകള്‍ നടന്നത്.
തുടര്‍ന്ന് വിളിച്ചുചൊല്ലി പ്രായ്ശ്ചിത്തവും നടന്നു. പരിപാടികള്‍ക്ക് ദേവസ്വം ഭാരവാഹികളായ റ്റി.എന്‍. സുകുമാരന്‍ നായര്‍, ചന്ദ്രശേഖരന്‍ നായര്‍ പുളിക്കല്‍, തങ്കപ്പന്‍ കൊടുങ്കയം, സുരേഷ് ലക്ഷ്മി നിവാസ്, ത്രിവിക്രമന്‍ തെങ്ങുംപള്ളില്‍, പ്രസന്നന്‍ കാട്ടുകുന്നത്ത്, ഗോപകുമാര്‍, ജയചന്ദ്രന്‍ നായര്‍, ശിവദാസ് തുമ്പയില്‍, ബാബു പുന്നത്താനം, പി.എസ്. ശശിധരന്‍, ആര്‍. സുനില്‍ കുമാര്‍ തുടങ്ങിയവര്‍ നേതൃത്വം നല്‍കി.
.webp)
.webp)
.webp)
0 Comments