ലോക പ്രമേഹ ദിനത്തോടനുബന്ധിച്ച് മുട്ടുചിറ എച്ച്.ജി.എം ഹോസ്പിറ്റലില്‍ പ്രമേഹ പരിശോധനാ ക്യാമ്പ് നവംബര്‍ 1 മുതല്‍ 15 വരെ നടക്കും. പ്രമേഹ രോഗത്തെ തുടക്കത്തിലേ കണ്ടെത്തി പ്രതിരോധിക്കുക എന്ന ലക്ഷ്യത്തോടെയാണ് ഇ ക്യാമ്പ് നടത്തുന്നത്. ക്യാമ്പില്‍ പങ്കെടുക്കുന്നവര്‍ക്ക് ഹൃദയം, കരള്‍, കിഡ്‌നി, പാദം, തൈറോയിഡ് തുടങ്ങിയവയുടെ പ്രവര്‍ത്തനം സംബന്ധിച്ച പരിശോധനകളും നടത്തപ്പെടുന്നു. 14 ദിവസത്തേക്ക് ഫിസിഷ്യന്റെ സൗജന്യ കണ്‍സള്‍ട്ടേഷനും കൂടാതെ ഡയറ്റ് സംബന്ധമായ കാര്യങ്ങള്‍ക്ക് ഡയറ്റിഷന്‍ & ന്യൂട്രീഷന്റെയും സേവനവും ലഭ്യമാക്കിയിരിക്കുന്നു. ദിവസേന 30 പേര്‍ക്കായിരിക്കും പരിശോധനകള്‍ക്ക് സൗകര്യമുണ്ടായിരിക്കുക.
ക്യാമ്പിന്റെ ഉദ്ഘാടനം ആശുപത്രി അങ്കണത്തില്‍ നടന്ന ചടങ്ങില്‍ ഡയറക്ടര്‍ റവ. ഡോ. ഷീന്‍ പാലക്കത്തടത്തില്‍ നിര്‍വഹിച്ചു. ചെറുപ്പക്കാരില്‍ പോലും പ്രമേഹം സാധാരണമായിക്കൊണ്ടിരിക്കുന്ന സാഹചര്യത്തില്‍, ഇതുപോലുള്ള ക്യാമ്പുകള്‍, സമൂഹത്തിന് അവബോധം നല്‍കുന്നതിനും ആവശ്യമായ മുന്‍കരുതലുകള്‍ എടുക്കുന്നതിനും സഹായകമാകുമെന്ന് ആശുപത്രി ഡയറക്ടര്‍ അഭിപ്രായപ്പെട്ടു. ക്യാമ്പിന്റെ പ്രാധാന്യത്തെക്കുറിച്ച് ചീഫ് മെഡിക്കല്‍ ഓഫീസര്‍ ഡോ. എബിസണ്‍ ഫിലിപ്പ് വിശദീകരിച്ചു. ഫിസിഷ്യന്‍മാരായ ഡോ. രാജേഷ് റോഷന്‍, ഡോ. അജിന്‍ അഗസ്റ്റിന്‍, ഡോ. റോജര്‍ ഡേവിഡ് ബിന്നി എന്നിവരും, ഡോ. അലക്‌സ് മാത്യു, ഡോ. നവീന ജോസ്, ഡോ. ആനി ചാണ്ടി, ഡോ. സൂരജ് മണിക്കുട്ടന്‍, ക്ലിനിക്കല്‍ ഡൈറ്റിഷന്‍ മിസ്സ്. അനിറ്റ് തോമസ്, നഴ്‌സിംങ് സൂപ്രണ്ട് സി. ആന്‍സി ഇല്ലിക്കല്‍ എന്നിവരും ചടങ്ങില്‍ സന്നിഹിതരായിരുന്നു. പരിശോധനകളില്‍ പങ്കെടുക്കുവാന്‍ താല്പര്യമുള്ളവര്‍ മുന്‍കൂര്‍ ബുക്കിംഗിനായി 04829-216600, 9497216600 എന്നീ നമ്പരുകളില്‍ ബന്ധപ്പെടണമെന്ന് ആശുപത്രി ഡയറക്ടര്‍അറിയിച്ചു.
.jpg)
0 Comments