മറ്റക്കര ആലുംമൂട് ജംഗ്ഷനില് പുതിയതായി നിര്മ്മിച്ച ഹാപ്പിനെസ് പാര്ക്കും നവീകരിച്ച വിശ്രമകേന്ദ്രവും നാടിന് സമര്പ്പിച്ചു. അകലക്കുന്നം പഞ്ചായത്ത് 15-ാം വാര്ഡില് പഞ്ചായത്ത് വികസന ഫണ്ട് ഉപയോഗിച്ചാണ്
ഹാപ്പിനസ് പാര്ക്കും വിശ്രമകേന്ദ്രവും നിര്മ്മിച്ചത്. അകലക്കുന്നം ഗ്രാമപഞ്ചായത്ത് പ്രസിഡന്റ് സിന്ധു അനില്കുമാര് ഉദ്ഘാടനം നിര്വ്വഹിച്ചു. ആലുംമൂട് കവലയില് ചേര്ന്ന യോഗത്തില് പഞ്ചായത്ത് വൈസ് പ്രസിഡന്റ് മാത്തുക്കുട്ടി ഞായര്കുളം അധ്യക്ഷനായിരുന്നു. പദ്ധതി സമയബന്ധിതമായി പൂര്ത്തിയാക്കിയ മണ്ണനാല് കണ്ട്രഷന് എം ഡി പയസ്സിനെ പൊന്നാടയണിയിച്ച് ആദരിച്ചു. പഞ്ചായത്ത് ആരോഗ്യവിദ്യാഭ്യാസ സ്റ്റാന്റിംഗ് കമ്മറ്റി ചെയര്പേഴ്സണ് ജാന്സി ബാബു, വാര്ഡ് മെമ്പര്മാരായ സീമാ പ്രകാശ്, സിജി സണ്ണി, മാത്തുക്കുട്ടി ആന്റണി കൈമരപ്ലാക്കല്, മൂന് പഞ്ചായത്ത് മെമ്പര് ഗിരിജാ രാജന്, മുണ്ടന്കുന്ന് പി എച്ച് സി ഹോസ്പിറ്റല് മാനേജ്മെന്റ് കമ്മിറ്റി അംഗം ഉണ്ണികൃഷ്ണന് മറ്റക്കര, മുന് പഞ്ചായത്ത് വൈസ് പ്രസിഡന്റ് ബെന്നി വടക്കേടം , സി ഡി എസ് അംഗം ഗിരിജാ രാജു തുടങ്ങിയവര് സംസാരിച്ചു.
പ്രകൃതി രമണീയമായ മറ്റക്കര മഹാത്മഗാന്ധി സ്മാരക ഉദ്യാനത്തില് ഇരിപ്പിടം നിര്മ്മിക്കുക എന്നത് നാട്ടുകാരുടെ ചിരകാല അഭിലാഷമായിരുന്നു. ആലുംമൂട് കവലയിലില് നിന്നും തുരുത്തിപ്പള്ളി ക്ഷേത്രം വരെ ഇരിപ്പിടം നിര്മ്മിച്ചതോടെ തുരുത്തിപ്പള്ളി പ്രദേശത്തേയ്ക്ക് സായാഹ്നങ്ങളില് കുടൂതല് ആളുകള് എത്തുമെന്നാണ് പ്രതീക്ഷിക്കുന്നത്. മറ്റക്കര മഹാത്മഗാന്ധി മെമ്മോറിയല് ചാരിറ്റബിള് സൊസൈറ്റി കള്ച്ചറല് ആന്റ് റിസേര്ച്ച് സെന്റര് ആണ് പൂന്തോട്ടത്തിന്റെ നിര്മ്മാണവും മേല്നോട്ടവും ഏറ്റെടുത്ത് നടത്തുന്നത്. തുരുത്തിപ്പള്ളി പ്രദേശം ടൂറിസ്റ്റ് കേന്ദ്രമായി പ്രഖ്യാപിക്കണമെന്ന് ആവശ്യപ്പെട്ടുകൊണ്ട് അകലക്കുന്നം പഞ്ചായത്ത് ടൂറിസം മന്ത്രിയ്ക്ക് നിവേദനം നല്കിയിട്ടുണ്ട്.
0 Comments