.webp)
തദ്ദേശ തെരഞ്ഞെടുപ്പില്‍ കടപ്ലാമറ്റം ഗ്രാമപഞ്ചായത്തില്‍ രണ്ട് സ്ഥാനാര്‍ത്ഥികളുടെയും മരങ്ങാട്ടുപിള്ളി ഗ്രാമപഞ്ചായത്തില്‍ ഒരാളുടെയും പത്രികകള്‍ തള്ളി. മരങ്ങാട്ടുപിള്ളി പഞ്ചായത്ത് സംവരണ വാര്‍ഡായ എട്ടില്‍ പഴയ സര്‍ട്ടിഫിക്കറ്റ് നല്‍കിയതിനാണ് ഒരു പത്രിക തള്ളിയത്. പത്രിക തള്ളിയ സ്ഥാനാര്‍ത്ഥികള്‍ മുന്നണി സ്ഥാനാര്‍ത്ഥികള്‍ അല്ല. കടപ്ലാമറ്റത്ത് സത്യപ്രതിജ ചെയ്യാതെ നല്‍കിയ രണ്ട് സെറ്റ് പത്രികകളാണ് തള്ളിയത്. ഉഴവൂര്‍ ബ്ലോക്ക് പഞ്ചായത്തില്‍ 53 സ്ഥാനാര്‍ത്ഥികളുടെതായി 92 പത്രികകള്‍ ലഭിച്ചു. മരങ്ങാട്ടുപിള്ളിയില്‍ ആകെ 64 സ്ഥാനാര്‍ത്ഥികളുടെ 103 സെറ്റ് പത്രികള്‍ ആണ് ലഭിച്ചത് .
കടപ്ലാമറ്റത്ത് 63 സ്ഥാനാര്‍ത്ഥികളുടെതായി 93 പത്രികകളും വെളിയന്നൂരില്‍ 55 സ്ഥാനാര്‍ത്ഥികളുടെതായി 91 പത്രികകളും ലഭിച്ചു. ഉഴവൂരില്‍ 49 സ്ഥാനാര്‍ഥികളുടെതായി 89 പത്രികകളും കുറവലങ്ങാട് 61 സ്ഥാനാര്‍ത്ഥികളുടെ ആയി 106 പത്രികകളും ലഭിച്ചു. സ്ഥാനാര്‍ഥികള്‍ക്ക് സര്‍ക്കാരുമായോ അര്‍ദ്ധസര്‍ക്കാര്‍ സ്ഥാപനങ്ങളുമായോ കുടിശിക പാടില്ലെന്നത് ചൂണ്ടിക്കാട്ടി പരാതികള്‍ ഉണ്ടായി. കേസ് , സ്വത്തുകള്‍, വിദ്യാഭ്യാസം തുടങ്ങിയവയുമായി ബന്ധപ്പെട്ട് നല്‍കുന്ന സത്യവാങ്ങ്മൂലത്തിലെ തെറ്റുകളും നിര്‍ദ്ദേശകന്‍ അതേ വാര്‍ഡിലെ വോട്ടര്‍ അല്ലെന്ന ആക്ഷേപങ്ങളും ഉയര്‍ന്നു. പത്രികയില്‍ വയസ്സ് കൃത്യമായി രേഖപ്പെടുത്തിയിട്ടില്ല എന്ന ആക്ഷേപങ്ങളും ഉയര്‍ന്നിരുന്നു. അതാത് റിട്ടേണിംഗ് ഓഫീസര്‍മാരുടെ നേതൃത്വത്തിലായിരുന്നു സൂക്ഷ്മ പരിശോധന.
.jpg)
.webp&description=3 പത്രികകള്‍ തള്ളി){kind=link}
0 Comments