കടപ്ലാമറ്റം പഞ്ചായത്തിലെ കുടുംബശ്രീയുടെ ആഭിമുഖ്യത്തില്‍ പൊന്നൂസ് പ്രൊഡ്യൂസര്‍ ഗ്രൂപ്പ് പ്രവര്‍ത്തനമാരംഭിച്ചു. കുടുംബശ്രീ അംഗങ്ങള്‍ക്ക് സ്വന്തമായി ഒരു വരുമാനം ലക്ഷ്യമിട്ട് കാര്‍ഷിക ഉത്പന്ന ങ്ങള്‍ സംഭരിച്ച് സംസ്‌കരിച്ച് മൂല്യവര്‍ധിത ഉത്പന്നങ്ങളായി വിപണിയിലെത്തിക്കുകയാണ് ലക്ഷ്യമെന്ന് CDS ചെയര്‍പേഴ്‌സണ്‍ ഷഹന ജയേഷ് പറഞ്ഞു. ഇതുമൂലം കര്‍ഷകര്‍ക്ക് മെച്ചപ്പെട്ട വിലയും കുടുംബശ്രീ അംഗങ്ങള്‍ക്ക് വരുമാനവും ലഭിക്കും. 20 അംഗങ്ങള്‍ ചേര്‍ന്ന ഗ്രൂപ്പാണ് കടപ്ലാമറ്റം പഞ്ചായത്തിലെ മൂന്നാം വാര്‍ഡിലെ കുണുക്കംപാറയില്‍ ഫുഡ് പ്രോസസിംഗ് യൂണിറ്റ് ആരംഭിച്ചത്.
കുടുംബശ്രീ ജില്ലാ മിഷന്‍ മുഖേന ലഭ്യമാക്കിയ 212 കോടി രൂപയില്‍ ഒന്നരക്കോടി ഉപയോഗിച്ച് ഡ്രയറും പാക്കിംഗ് സംവിധാനങ്ങളും സജ്ജീകരിച്ചു. തൊഴിലുറപ്പു പദ്ധതിയില്‍പെടുത്തി ചെറുതെങ്കിലും സൗകര്യപ്രദമായ മുറിയും ഒരുക്കി. പൊന്നൂസ് പ്രൊഡ്യൂസര്‍ ഗ്രൂപ്പിന്റെ ഉദ്ഘാടനം പഞ്ചായത്ത് പ്രസിഡന്റ് മത്തായി മാത്യു നിര്‍വഹിച്ചു. പഞ്ചായത്ത് വൈസ് പ്രസിഡന്റ് ജയ്‌മോള്‍ റോബര്‍ട്ട് അധ്യക്ഷയായിരുന്നു.
ഷഹന ജയേഷ് പദ്ധതി അവതരണം നടത്തി. ബ്ലോക്ക് മെമ്പര്‍ ജീന സിറിയക്, സ്റ്റാന്റിംഗ് കമ്മറ്റി ചെയര്‍മാന്മാരായ സച്ചന്‍ സദാശിവന്‍, ബിന്‍സി സാവിയോ, ആന്‍സി സഖറിയ, വാര്‍ഡ് മെമ്പര്‍ ജോസ് കൊടിയംപുരയിടം, വിവിധ ഗ്രാമപഞ്ചായത്തംഗങ്ങള്‍ പഞ്ചായത്ത് സെക്രട്ടറി MS ഷൈനി, അസിസ്റ്റന്റ് സെക്രട്ടറി ഷൈലശ്രീ KN , സിഡിഎസ് വൈസ് ചെയര്‍പേഴ്‌സണ്‍ പുഷ്പമ്മ ചാക്കോ, CDS ഭാരവാഹി കളായ ജലജ റജി, ഷൈല തങ്കപ്പന്‍, മഞ്ജു ഷാജി തുടങ്ങിയവര്‍ പ്രസംഗിച്ചു.
.jpg)
0 Comments