ഇലക്ഷനില്‍ ജയിച്ചാല്‍ ലഭിക്കുന്ന ഓണറേറിയം നിര്‍ധനരായ കുടുംബങ്ങള്‍ക്ക് എല്ലാ മാസവും നല്‍കാന്‍ തയ്യാറായി മത്സരത്തിനിറങ്ങിയ സ്ഥാനാര്‍ഥി ശ്രദ്ധേയനാവുന്നു. പൂഞ്ഞാര്‍ ഗ്രാമപഞ്ചായത്ത് പതിമൂന്നാം വാര്‍ഡില്‍ മത്സരിക്കുന്ന സ്വതന്ത്ര സ്ഥാനാര്‍ത്ഥി സണ്ണി തോമസ് കൊന്നക്കലാണ് തനിക്ക് ലഭിക്കുന്ന ഓണറേറിയം എല്ലാ മാസവും അര്‍ഹതപ്പെട്ടവര്‍ക്ക് മാറിമാറി നല്‍കുമെന്ന വാഗ്ദാനം നല്‍കുന്നത്.
കൂടാതെ നിര്‍ധനരായ കുടുംബങ്ങളിലെ കുട്ടികള്‍ക്ക് വിദ്യാഭ്യാസ സഹായം, നിര്‍ധനരായ കുടുംബങ്ങളിലെ രോഗികള്‍ക്ക് ആശുപത്രി യാത്രയ്ക്കുള്ള സഹായം, വഴി വിളക്കുകള്‍ സ്ഥാപിക്കുക, റോഡ് പുനരുദ്ധാരണം, കുടിവെള്ളക്ഷാമത്തിന് പരിഹാരം, അഴിമതി രഹിത ഭരണം എന്നിവയും സണ്ണി തോമസിന്റെ പ്രകടനപത്രിയില്‍ ഉണ്ട്. സ്വതന്ത്രനായി ആപ്പിള്‍ ചിഹ്നത്തിലാണ് സണ്ണി തോമസ് മത്സരിക്കുന്നത്.
.jpg)
0 Comments