കൊഴുവനാല് സെന്റ് ജോണ് നെപുംസ്യാന്സ് ഹയര് സെക്കന്ഡറി സ്കൂളില് വച്ചു നടക്കുന്ന NSS സപ്തദിന സഹവാസക്യാമ്പിന്റെ ഭാഗമായി ചേര്പ്പുങ്കല് ഹോളി ക്രോസ് ഹയര് സെക്കന്ഡറി സ്കൂള് എന്.എസ്.എസ്. വോളണ്ടിയേഴ്സ് ലഹരിവിരുദ്ധ ബോധവല്കരണ പരിപാടി സംഘടിപ്പിച്ചു. ലഹരിവിരുദ്ധ ബോധവല്കരണ റാലിയായി കൊഴുവനാല് കവലയില് എത്തിയ NSS വോളണ്ടിയേഴ്സിന്റെ ലഹരിവിരുദ്ധ പ്രവര്ത്തനങ്ങള് NSS കുറവിലങ്ങാട് ക്ലസ്റ്റര് കണ്വീനര് ഡോ. പി. ജെ. സിന്ധുറാണി ഉദ്ഘാടനം ചെയ്തു. ലഹരിവിരുദ്ധ തെരുവുനാടകം അവതരിപ്പിച്ച വോളണ്ടിയേഴ്സ് ലഹരിക്കെതിരെ സമൂഹ ജാഗ്രത ജ്യോതി തെളിയിക്കുകയും ചെയ്തു. NSS വോളണ്ടിയര് ലീഡര് ലിയോ ജയിംസിന്റെ നേതൃത്വത്തില് വോളണ്ടിയേഴ്സ് ലഹരിവിരുദ്ധ പ്രതിജ്ഞയെടുത്തു. പ്രോഗ്രാം ഓഫീസര് ഗീതു മരിയ സണ്ണി, അധ്യാപകരായ നൈസ് ജോര്ജ്ജ്, ബിനി മാത്യു, റ്റിസി അന്ന കുര്യന്, വോളണ്ടിയര് ലീഡേഴ്സ് ആന്മരിയ സോജി , അഞ്ജു രാജു എന്നിവര് പ്രവര്ത്തനങ്ങള്ക്ക് നേതൃത്വം നല്കി.
0 Comments