കടുത്തുരുത്തി സെന്റ് മേരീസ് ഫൊറോനാ താഴത്തുപള്ളിയില്‍ തിരുക്കുടുംബത്തിന്റെ ദര്‍ശനത്തിരുനാളാഘോഷം

കടുത്തുരുത്തി സെന്റ് മേരീസ് ഫൊറോനാ താഴത്തുപള്ളിയില്‍ തിരുക്കുടുംബത്തിന്റെ ദര്‍ശനത്തിരുനാളാഘോഷം

 ജനുവരി 16, 17, 18തീയതികളില്‍ നടക്കും. ചരിത്രപരമായും സാംസ്‌കാരികമായും ഏറെ പ്രാധാന്യമുള്ള  കടുത്തുരുത്തിയില്‍ താഴത്തുപള്ളിയിലെ തിരുകുടുംബത്തിന്റെ ദര്‍ശന തിരുനാള്‍  ഏറെ പ്രാധാന്യത്തോടെയാണ് ആഘോഷിക്കുന്നതെന്ന് വികാരി ഫാ.മാത്യു ചന്ദ്രന്‍കുന്നേല്‍ പറഞ്ഞു.  ജനുവരി 16ന് വൈകീട്ട് 6.30ന് ജപമാല പ്രദക്ഷിണം, ലദീഞ്ഞ്,  7.30ന് ഇടവകാംഗങ്ങളുടെ കലാസന്ധ്യ. 17ന് രാവിലെ ആറിന് വിശുദ്ധ കുര്‍ബാന, സന്ദേശം, നൊവേന, വൈകുന്നേരം അഞ്ചിന് സുറിയാനി കുര്‍ബാനയില്‍ ഫാ.മാത്യു വെണ്ണായിപ്പള്ളില്‍ സന്ദേശം നല്‍കും. 

6.30ന് പട്ടണപ്രദക്ഷിണം, 8.30ന് സ്ലീവാവന്ദനം, തുടര്‍ന്ന് കപ്ലോന്‍ വാഴ്ച്ച, ഒമ്പതിന് ആകാശ വിസ്മയം എന്നിവ നടക്കും. 18ന് വൈകീട്ട്  നാലിന് നടക്കുന്ന തിരുനാള്‍ റാസയ്ക്ക് ഫാ.സ്‌കറിയ മോടിയില്‍ മുഖ്യകാര്‍മികത്വം വഹിക്കും. 6.15ന് പ്രസുദേന്തി വാഴ്ച്ച, 6.30ന് പട്ടണപ്രദക്ഷിണം, 7.30ന് ടൗണിലെ കുരിശുപള്ളിയില്‍ തിരുനാള്‍ സന്ദേശം ഫാ.ബിജു കുന്നക്കാട്ട്, തുടര്‍ന്ന് പള്ളിയിലേക്ക് പ്രദക്ഷിണം, ലദീഞ്ഞ്, സമാപനാശീര്‍വാദം, എട്ടിന് ഗാനമേള എന്നിവ നടക്കും. പ്രധാന തിരുനാള്‍ ദിനങ്ങളില്‍ ഭക്തിനിര്‍ഭരമായ ആഘോഷ ചടങ്ങുകള്‍ നടക്കുമെന്ന്  കൈക്കാരന്മാരായ ജോസ് ജെയിംസ് നിലപ്പന, ജോര്‍ജ് ജോസഫ് പാട്ടത്തില്‍കുളങ്ങര, സണ്ണി ജോസഫ് ആദപ്പള്ളില്‍,  പ്രസുദേന്തി ജോണ്‍ കെ.ആന്റിണി കുറിച്ച്യാപ്പറമ്പില്‍ എന്നിവര്‍   വാര്‍ത്താസമ്മേളനത്തില്‍ അറിയിച്ചു.