ഉണ്ണിശോയുടെ കാഴ്ചവയ്പ് തിരുനാളാഘോഷം ഭക്തിനിര്‍ഭരമായി.

കടപ്ലാമറ്റം സെന്റ് മേരീസ് ഫൊറോനാ പള്ളിയില്‍ ഉണ്ണിശോയുടെ കാഴ്ചവയ്പ് തിരുനാളാഘോഷം ഭക്തിനിര്‍ഭരമായി. ശനിയാഴ്ച വൈകിട്ട് ആഘോഷമായ വിശുദ്ധ കുര്‍ബാന നടന്നു. എല്ലാ

തിരു സ്വരൂപങ്ങളും വഹിച്ചു കൊണ്ട് ആഘോഷമായ പ്രദക്ഷിണവും നടന്നു. പ്രധാന തിരുനാള്‍ ദിനമായ ഞായറാഴ്ച വൈകീട്ട് 4.30 ന് ആഘോഷമായ റാസ കുര്‍ബാനയ്ക്ക് ഫാദര്‍ ജേക്കബ് കടുതോടില്‍ മുഖ്യകര്‍മ്മികത്വം വഹിച്ചു. 

കുഞ്ഞുങ്ങള്‍ ജനിക്കുമ്പോള്‍ നടത്തുന്ന കാഴ്ചവയ്പ് ചടങ്ങ് ഉണ്ണിശോയുടെ നാമധേയത്തില്‍ തുടര്‍ന്ന് നടന്നു. ആഘോഷമായ കാഴ്ചവയ്പ് പ്രദക്ഷിണവും വിശുദ്ധ അന്തോനീസിന്റെ കപ്പേളയില്‍ നടക്കുന്ന കാഴച വയ്പു കര്‍മ്മത്തിലും പങ്കെടുക്കാന്‍ നിരവധിയാളുകളാണ് കടപ്ലാമറ്റത്തെത്തിയത്. വൈദ്യുത ദീപാലങ്കാരങ്ങള്‍ വര്‍ണ്ണക്കാഴ്ചയൊരുക്കിയ കടപ്ലാമറ്റത്ത്  തിരുനാളാഘോഷം ഭക്തിനിര്‍ഭരമായി. ഇടവക വികാരി ഫാദര്‍ ജോസഫ് മുളഞ്ഞനാല്‍, സഹവികാരി ഫാദര്‍ ജോസഫ് തേവര്‍ പറമ്പില്‍, കൈക്കാരന്മാരായ ഷാജി സെബാസ്റ്റ്യന്‍ കൊച്ചറയ്ക്കല്‍, ജോസ് മാത്യം പഴുപ്‌ളാക്കില്‍ തെക്കേല്‍ , മാത്തുക്കുട്ടി തോമസ് പാലാംതട്ടേല്‍ തുടങ്ങിയവര്‍ ആഘോഷങ്ങള്‍ക്ക് നേതൃത്വം നല്‍കി.