ഏറ്റുമാനൂര് സ്മാര്ട്ട് വില്ലേജ് ഓഫീസ് നിര്മാണോദ്ഘാടനം മന്ത്രി VN വാസവന് നിര്വഹിച്ചു. ജനങ്ങള്ക്ക് കൂടുതല് സേവനങ്ങള് എളുപ്പത്തില് നല്കുവാന് കഴിയുന്ന കേന്ദ്രങ്ങളായി സര്ക്കാര് ഓഫീസുകള് മാറേണ്ടതുണ്ടെന്ന് മന്ത്രി വി.എന്. വാസവന് പറഞ്ഞു. വില്ലേജ് ഓഫീസുകളിലും സബ് രജിസ്റ്റര് ഓഫീസുകളിലും ജനം നേരിടുന്ന ബുദ്ധിമുട്ടുകള് അവസാനിപ്പിക്കേണ്ട കാലം കഴിഞ്ഞെന്നും അദ്ദേഹം പറഞ്ഞു.
എല്ലാവര്ക്കും ഭൂമി എല്ലാ ഭൂമിക്കും രേഖ എല്ലാ സേവനങ്ങളും സ്മാര്ട്ട് എന്ന സന്ദേശം ഉയര്ത്തിയാണ് വില്ലേജ് ഓഫീസുകള് സ്മാര്ട്ട് വില്ലേജ് ഓഫീസുകള് ആക്കി മാറ്റുന്നത്. ഏറ്റുമാനൂര് വ്യാപാരഭവന് ഓഡിറ്റോറിയത്തില് നടന്ന ഉദ്ഘാടന യോഗത്തില് ജില്ലാ കളക്ടര് ചേതന് കുമാര് മീണ സ്വാഗതം ആശംസിച്ചു. അഡീഷണല് ജില്ലാ മജിസ്ട്രേറ്റ് എസ്. ശ്രീജിത്ത്, ആര്.ഡി.ഒ ജിനു പുന്നൂസ്, മുനിസിപ്പല് കൗണ്സിലര്മാരായ രശ്മി ശ്യാം, ഇ.എസ് ബിജു, തഹസില്ദാര് സനില്കുമാര് ടീ.എസ് തുടങ്ങിയവര് പ്രസംഗിച്ചു.
0 Comments