Breaking...

9/recent/ticker-posts

Header Ads Widget

സിവില്‍ സ്റ്റേഷന്‍ ജംഗ്ഷനില്‍ ഓട്ടോമാറ്റിക് ട്രാഫിക് സിഗ്‌നല്‍ സംവിധാനം ഒരുക്കി.



പാലാ സിവില്‍ സ്റ്റേഷന്‍ ജംഗ്ഷനില്‍ ഓട്ടോമാറ്റിക് ട്രാഫിക് സിഗ്‌നല്‍ സംവിധാനം ഒരുക്കി. ജംഗ്ഷനിലെ ഗതാഗതക്കുരുക്ക് പരിഹരിക്കാന്‍ ലക്ഷ്യമിട്ടാണ്  സിവില്‍ സ്റ്റേഷന്‍ ജംഗ്ഷനില്‍ പുതിയ സിഗ്‌നല്‍ ലൈറ്റുകള്‍ സ്ഥാപിച്ചത്. വാഹനത്തിരക്കിന് അനുസൃതമായി ഗതാഗതം ക്രമീകരിക്കാനും ജംഗ്ഷനുകളിലെ അനാവശ്യ കാത്തിരിപ്പ് ഒഴിവാക്കാനും പുതിയ സംവിധാനത്തിലൂടെ കഴിയുമെന്നാണ് പ്രതീക്ഷ. തിരുവനന്തപുരം ആസ്ഥാനമായി പ്രവര്‍ത്തിക്കുന്ന അഡ്‌ന്യൂസ് ഇന്ത്യ കമ്പനിക്കാണ് നിര്‍മാണച്ചുമതല.ആര്‍.വി., മഹാറാണി ജംഗ്ഷനുകളിലും നേരത്തേ സിഗ്‌നല്‍ സംവിധാനങ്ങള്‍ സ്ഥാപിച്ചിട്ടുണ്ട്. ഇവയുടെ ഔദ്യോഗിക ഉദ്ഘാടനം രണ്ടാഴ്ചയ്ക്കുള്ളില്‍ നടത്തും. പാലാ നഗരസഭാ ചെയര്‍പേഴ്‌സണ്‍ മായാ രാഹുലിന്റെയും ട്രാഫിക് എസ്.ഐ. ബി. സുരേഷ് കുമാറിന്റെയും നേതൃത്വത്തില്‍ പുതിയ സിഗ്‌നല്‍ സംവിധാനം വിലയിരുത്തി. നഗരത്തിലെ വിവിധ ജംഗ്ഷനുകളില്‍ ട്രാഫിക് സിഗ്‌നലുകള്‍ സ്ഥാപിക്കുന്നതിനായി ഏകദേശം 50 ലക്ഷം രൂപയുടെ പദ്ധതിയാണ് വിഭാവനം ചെയ്തിരിക്കുന്നത്. സിഗ്‌നല്‍ സംവിധാനങ്ങള്‍ പൂര്‍ണതോതില്‍ പ്രവര്‍ത്തന സജ്ജമാകുന്നതോടെ പാലാ നഗരത്തിലെ ഗതാഗതക്കുരുക്കിന് വലിയൊരളവില്‍ പരിഹാരമാകുമെന്നാണ് അധികൃതരുടെ പ്രതീക്ഷ.


ഒരു അഭിപ്രായം പോസ്റ്റ് ചെയ്യൂ

0 അഭിപ്രായങ്ങള്‍