നയനമനോഹാര കാഴ്ച സമ്മാനിച്ച് പാതാമ്പുഴ അരുവിക്കച്ചാല്‍ വെള്ളച്ചാട്ടം

സഞ്ചാരികള്‍ക്ക് നയനമനോഹാര കാഴ്ച സമ്മാനിച്ച് പൂഞ്ഞാര്‍ തെക്കേക്കര പഞ്ചായത്തിലെ പാതാമ്പുഴ അരുവിക്കച്ചാല്‍ വെള്ളച്ചാട്ടം. 100 അടിയോളം ഉയരത്തില്‍ നിന്നും ചിതറിത്തെറിക്കുന്ന വെള്ളച്ചാട്ടം ജില്ലയിലെ തന്നെ ഉയരംകൂടിയ വെള്ളച്ചാട്ടങ്ങളിലൊന്നാണ്. ഇവിടേയ്ക്കെത്തുന്ന സഞ്ചാരികള്‍ക്കായി ഭക്ഷണമടക്കമുള്ള സൗകര്യങ്ങളൊരുക്കി നാട്ടുപച്ചയെന്ന പ്രാദേശിക സ്ത്രീകൂട്ടായ്മയും ശ്രദ്ധനേടുകയാണ്.