ഏറ്റുമാനൂര് മംഗളം എന്ജിനീയറിങ്ങ് കോളജില് നിന്നു വിനോദ യാത്രയ്ക്കുപോയ സംഘത്തിലെ മൂന്നു വിദ്യാര്ഥികള് മണിപ്പാലില് മുങ്ങി മരിച്ചു. അവസാന വര്ഷ ബിടെക് കമ്പ്യൂട്ടര് സയന്സ് വിദ്യാര്ഥികളായ കോട്ടയം കുഴിമറ്റം ചേപ്പാട്ടുപറമ്പില് അമല് സി.അനില്, ഉദയംപേരൂര് ചിറമേല് ആന്റണി ഷിനോയി, പാമ്പാടി വെള്ളൂര് എല്ലിമുള്ളില് അലന് റെജി എന്നിവരാണ് മരിച്ചത്. ഇന്ന് ഉച്ചകഴിഞ്ഞു രണ്ടിനു മണിപ്പാലിനു സമീപം മാള്ട്ടയിലെ സെന്റ് മേരീസ് ബീച്ചിലായിരുന്നു സംഭവം. സെല്ഫി എടുക്കുന്നതിനിടെയാണ് അപകടമുണ്ടായത്. സെന്റ്മേരീസ് ഐലന്റിലെ ഉഡുപ്പി ബീച്ചിലെത്തിയപ്പോഴാണ് വിദ്യാര്ത്ഥികള് കടലിലിറങ്ങി സെല്ഫി എടുക്കാന് ശ്രമിച്ചത്. ചൊവ്വാഴ്ച വൈകിട്ടാണ് അധ്യാപകര് ഉള്പ്പെടെയുള്ള സംഘം 2 ബസുകളിലായി സ്റ്റഡി ടൂറിന് പുറപ്പെട്ടത്.
0 Comments