യുവാവിനെ വധശ്രമ കേസില്‍ പോലീസ് അറസ്റ്റ് ചെയ്തു.

നിരവധി കേസുകളില്‍ പ്രതിയായ യുവാവിനെ വധശ്രമ കേസില്‍ പോലീസ് അറസ്റ്റ് ചെയ്തു. ളാലം ചെത്തിമറ്റം  നാഗപ്പുഴയില്‍ ജീവന്‍ സജിയെയാണ് പാലാ പോലീസ് അറസ്റ്റ് ചെയ്തത്. ഇയാള്‍  കഴിഞ്ഞദിവസം സഞ്ചരിച്ച ബൈക്ക് ഓട്ടോയില്‍ ചെന്നിടിച്ച് മറിഞ്ഞു വീണതിനെ തുടര്‍ന്ന് ഓട്ടോഡ്രൈവറുമായി വാക്ക് തര്‍ക്കം ഉണ്ടാകുകയും ഡ്രൈവറുടെ മൊബൈല്‍ ഫോണ്‍ എറിഞ്ഞു പൊട്ടിക്കുകയും ഡ്രൈവറെ കഴുത്ത് ഞെരിച്ച് കൊലപ്പെടുത്തുവാന്‍ ശ്രമിക്കുകയും ചെയ്തു . തുടര്‍ന്ന് ജില്ലാ പോലീസ് മേധാവി കെ.കാര്‍ത്തിക്കിന്റെ നേതൃത്വത്തിലുള്ള അന്വേഷണ സംഘം പ്രതിയെ പിടികൂടുകയായിരുന്നു. പാലാ സ്റ്റേഷന്‍ എസ്.എച്ച്. ഓ കെ.പി ടോംസണ്‍, എസ്.ഐ അഭിലാഷ് എം.ഡി, സി.പി.ഓ മാരായ ജോഷി മാത്യു, രഞ്ജിത്ത്, ശ്രീജേഷ് കുമാര്‍ എന്നിവരും അന്വേഷണ സംഘത്തില്‍ ഉണ്ടായിരുന്നു.