പൊന്കുന്നം ഇളംങ്ങുളം ശ്രീധര്മ്മശാസ്താ ക്ഷേത്രത്തില് മോഷണ ശ്രമത്തിനിടെ കുപ്രസിദ്ധ മോഷ്ടാവിനെ പോലീസ് അറസ്റ്റ് ചെയ്തു. ഇടുക്കി അടിമാലി ചക്കിയാങ്കല് വീട്ടില് വിജയന് എന്ന് വിളിക്കുന്ന പത്മനാഭന് (63) എന്നയാളെയാണ് പൊന്കുന്നം പോലീസ് അറസ്റ്റ് ചെയ്തത്. ഇയാള് ഇന്നു പുലര്ച്ചെ ഒരു മണിയോടുകൂടി സ്ട്രോങ്ങ് റൂമിന്റെ പുറത്തെ മുറിയുടെ വാതില് പൊളിച്ച് മോഷണം നടത്താന് ശ്രമിക്കുകയായിരുന്നു. ഇത് കണ്ട നാട്ടുകാര് വിവരം പോലീസില് അറിയിക്കുകയും പോലീസ് സ്ഥലത്തെത്തി ഇയാളെ പിടികൂടുകയുമായിരുന്നു. ഇയാള്ക്ക് കോതമംഗലം, മുരിക്കാശ്ശേരി, പോത്താനിക്കാട്, ആലുവ,കൂത്താട്ടുകുളം, ചിങ്ങവനം, എളമക്കര എന്നീ സ്റ്റേഷനുകളില് മോഷണകേസുകള് നിലവിലുണ്ട്. ഇയാള് അടിമാലി സ്റ്റേഷനിലെ ആന്റി സോഷ്യല് ലിസ്റ്റില് ഉള്പ്പെട്ടയാളാണ്. പൊന്കുന്നം സ്റ്റേഷന് എസ്.എച്ച്.ഒ രാജേഷ് എന്, എസ്.ഐ റെജിലാല് കെ.ആര്, അഭിലാഷ് പി. റ്റി, സി.പി.ഒ മാരായ ഷാജി ചാക്കോ, കിരണ് കെ.കര്ത്താ എന്നിവര് ചേര്ന്നാണ് ഇയാളെ അറസ്റ്റ് ചെയ്തത്. ഇയാളെ കോടതിയില് ഹാജരാക്കി.
.jpg)
0 Comments