വീടുകളുടെ താക്കോല്‍ ദാനവും ആദ്യ ഗഡു വിതരണവും

ഉഴവൂർ ഗ്രാമപഞ്ചായത്തില്‍  ലൈഫ്മിഷന്‍ പദ്ധതിയിലൂടെ പൂർത്തിയാക്കിയ  വീടുകളുടെ താക്കോല്‍ ദാനവും   പുതിയ ഗുണഭോക്താക്കള്‍ക്കുള്ള ആദ്യ ഗഡു വിതരണവും നടത്തി.    ലൈഫ് മിഷന്‍ പദ്ധതിയില്‍ ഉള്‍പ്പെടുത്തി പൂര്‍ത്തിയാക്കിയ 10 വീടുകളുടെ താക്കോല്‍ ദാനം മോൻസ് ജോസഫ് MLA നിർവഹിച്ചു.  അർഹരായ 23 ലൈഫ് ഗുണഭോക്താക്കള്‍ക്ക് ആദ്യ ഗഡുവും നല്‍കി.  ഉഴവൂർ ഗ്രാമപഞ്ചായത്ത് പ്രസിഡന്‍റ് ജോണിസ് പി സ്റ്റീഫന്‍  അദ്ധ്യക്ഷനയിരുന്നു  മോന്‍സ് ജോസഫ് എം എല്‍ എ ഉദ്ഘാടനം നിർവഹിച്ചു.   ബ്ലോക്ക് പ്രസിഡന്‍റ് ജോണ്‍സണ്‍ പുളിക്കീല്‍, കോട്ടയം ജില്ലാ പഞ്ചായത്ത് മെമ്പർ പി എം മാത്യു,ബ്ലോക്ക് വൈസ് പ്രസിഡന്‍റ് ഡോ. സിന്ധുമോള്‍ ജേക്കബ്, ബ്ലോക്ക്. സ്റ്റാന്‍റിംഗ് കമ്മറ്റി ചെയർമാന്‍ പി.എന്‍. രാമചന്ദ്രന്‍, ഉഴവൂർ ഗ്രാമപഞ്ചായത്ത് വൈസ് പ്രസിഡന്‍റ് ഏലിയാമ്മ കുരുവിള, സ്റ്റാന്‍റിംഗ് കമ്മറ്റി ചെയര്‍മാന്‍മാര്‍ ആയ തങ്കച്ചന്‍ കെ എം, ന്യൂജന്‍റ് ജോസഫ്, അഞ്ജു പി ബെന്നി, മെമ്പർമാരായ  ജസീന്ത പൈലി, സുരേഷ് വി ടി, സിറിയക് കല്ലട, ബിനു ജോസ്, മേരി സജി, ബിന്‍സി അനില്‍, ശ്രീനി തങ്കപ്പന്‍ ,റിനി വില്‍സണ്‍, പഞ്ചായത്ത് സെക്രട്ടറി സുനില്‍ എസ്, നിര്‍വ്വഹണ ഉദ്യോഗസ്ഥനായ വി ഇ ഒ, കപില്‍ കെ എ, വി ഇ ഒ ലിഷ പി ജോസ് എന്നിവര്‍ സന്നിഹിതരായിരുന്നു.  ലൈഫ്മിഷന്‍ ഭവന പദ്ധതി പ്രകാരം  ഈ ഭരണ സമിതിയുടെ കാലത്ത് 24 വീടുകള്‍ പൂര്‍ത്തിയാക്കുകയും  12 പേര്‍ക്ക്   സ്ഥലം വാങ്ങി നല്‍കുകയും ചെയ്തു.  പഞ്ചായത്ത് വികസന ഫണ്ടിനോടൊപ്പം ബ്ലോക്ക് -ജില്ലാ പഞ്ചായത്തുകളുടെ വിഹിതം,  സ്റ്റേറ്റ് ഷെയര്‍, ഹഡ്കോ വായ്പ എന്നിവ ഉള്‍പ്പെടുത്തിയാണ് പഞ്ചായത്ത് ബൃഹത്തായ ഈ പദ്ധതിയുടെ പൂര്‍ത്തീകരണം ദ്രുതഗതിയില്‍ നടപ്പാക്കിയത്.  ഈ വര്‍ഷം ലൈഫ്  പദ്ധതിയുടെ പൂർത്തീകരണത്തിനായി ജനറല്‍ വിഭാഗത്തിന്  1 കോടി  രൂപയും പട്ടികജാതി പട്ടിക വര്‍ഗ്ഗ വിഭാഗത്തിനായി 88 ലക്ഷം രൂപയും വകയിരുത്തിയിട്ടുണ്ട്