.webp)
ചൊവ്വാഴ്ച സംസ്ഥാനത്ത് 292 പേര്ക്ക് കൊവിഡ് സ്ഥിരീകരിച്ചു. തിങ്കളാഴ്ച 115 പേര്ക്കാണ് കൊവിഡ് സ്ഥിരീകരിക്കപ്പെട്ടിരുന്നത്. കേരളത്തിലെ കൊവിഡ് കേസുകള് ഓരോ ദിവസവും ഉയര്ന്നുവരുകയാണെന്നാണ് കേന്ദ്ര ആരോഗ്യമന്ത്രാലയത്തിന്റെ കണക്കുകള് വ്യക്തമാക്കുന്നത് കോവിഡിന്റെ JN വകഭേദമാണ് കേരളത്തില് കണ്ടെത്തിയിരിക്കുന്നത്. കൊവിഡ് ബാധിച്ച് കേരളത്തില് രണ്ടു പേര് മരിച്ചു. 292 പേര്ക്ക് കൂടി രോഗം സ്ഥിരീകരിച്ചിട്ടുണ്ട്. കേരളത്തില് കൊവിഡ് ബാധിച്ച് ചികിത്സയിലുള്ളവരുടെ എണ്ണം 2041 ആയി ഉയര്ന്നു.
രാജ്യത്ത് ഏറ്റവും കൂടുതല് കൊവിഡ് സ്ഥിരീകരിച്ചതും കേരളത്തിലാണ്. കര്ണാടകയില് ഒമ്ബതുപേര്ക്കും ഗുജറാത്തില് മൂന്നുപേര്ക്കും ദില്ലിയില് മൂന്നുപേര്ക്കുമാണ് ചൊവ്വാഴ്ച കൊവിഡ് സ്ഥിരീകരിച്ചത്. കൊവിഡിന്റെ ജെഎന്1 ഉപവകഭേദം കേരളത്തില് കണ്ടെത്തിയതിന് പിന്നാലെയാണ് പുതിയ കേസുകളില് വര്ധനവുണ്ടായിരിക്കുന്നത്. തിങ്കളാഴ്ച കേരളത്തില് ആക്ടീവ് കേസുകള് 1749 ആയിരുന്നതാണ് ചൊവ്വാഴ്ച 2041 ആയി ഉയര്ന്നത്. രാജ്യത്താകെ 341 പേര്ക്കു കൂടി കൊവിഡ് സ്ഥിരീകരിച്ചതോടെ ആകെ ആക്ടീവ് കേസുകളുടെ എണ്ണം 2311 ആയി ഉയര്ന്നു.
.webp&description=292 പേര്ക്ക് കൊവിഡ്){kind=link}
0 Comments