കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് സംഘടിപ്പിച്ച 24-ാമത് ചൈതന്യ കാര്ഷിക മേളയോടനുബന്ധിച്ച് മാധ്യമ പ്രവര്ത്തകര്ക്കായി ഏര്പ്പെടുത്തിയ അവാര്ഡുകള് വിതരണം ചെയ്തു. തെള്ളകം ചൈതന്യ പാസ്റ്ററല് സെന്ററില് നടന്ന ചടങ്ങില് സഹകരണ തുറമുഖ വകുപ്പ് മന്ത്രി വി.എന് വാസവന് പുരസ്്കാരങ്ങള് വിതരണം ചെയ്തു. ആധുനിക കാലഘട്ടത്തില് പ്രിന്റ്, വിഷ്വല്, സോഷ്യല് മീഡിയകളുടെ സ്വാധീനം വലുതാണെന്ന് അദ്ദേഹം അവാര്ഡുകള് വിതരണം ചെയ്തുകൊണ്ട് പറഞ്ഞു. കോട്ടയം ആര്ച്ച് ബിഷപ്പ് മാര് മാത്യു മൂലക്കാട്ട് ചടങ്ങില് അദ്ധ്യക്ഷത വഹിച്ചു. തോമസ് ചാഴികാടന് എം.പി, തിരുവഞ്ചൂര് രാധാകൃഷ്ണന് എം.എല്.എ, കോട്ടയം സോഷ്യല് സര്വ്വീസ് സൊസൈറ്റി എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര്, ഏറ്റുമാനൂര് ബ്ലോക്ക് പഞ്ചായത്ത് പ്രസിഡന്റ് ആര്യ രാജന്, അതിരമ്പുഴ ഗ്രാമപഞ്ചായത്ത് പ്രസിഡന്റ് ജോസ് ജോസഫ് അമ്പലക്കുളം, ഏറ്റുമാനൂര് മുനിസിപ്പല് ചെയര് പേഴ്സണ് ലൗലി ജോര്ജ്ജ്, കോട്ടയം ജില്ലാ പഞ്ചായത്ത് മെമ്പര് ഡോ. റോസമ്മ സോണി, അതിരമ്പുഴ ഗ്രാമപഞ്ചായത്ത് മെമ്പര് ആലീസ് ജോസഫ്, കോട്ടയം മുനിസിപ്പല് കൗണ്സിലര് ടി.സി റോയി, കെ.എസ്.എസ്.എസ് അസി. ഡയറക്ടര് ഫാ. ഷെറിന് കുരിക്കിലേട്ട് എന്നിവര് ചടങ്ങില് പങ്കെടുത്തു. ന്യൂസ് റിപ്പോര്ട്ടിംഗ് വിഭാഗത്തില് മലയാള മനോരമ റിപ്പോര്ട്ടര് കെ.ജി രഞ്ജിത്ത്, ദീപിക ബ്യൂറോ ചീഫ് റെജി ജോസഫ് എന്നിവര്ക്കും ഫോട്ടോഗ്രാഫി വിഭാഗത്തില് ദീപിക ന്യൂസ് ഫോട്ടോഗ്രാഫര് അനൂപ് ടോമിനും, ന്യസ് വീഡിയോഗ്രാഫി വിഭാഗത്തില് എ.സി.വി ന്യൂസ് കോട്ടയത്തിനുമാണ് പുരസ്ക്കാരങ്ങള്. ന്യൂസ് വീഡിയോഗ്രാഫി പ്രത്യേക പുരസ്ക്കാരം സ്റ്റാര്വിഷന് റിപ്പോര്ട്ടര് AR രവീന്ദ്രന് മന്ത്രി VN വാസവന് സമ്മാനിച്ചു. മാതൃഭൂമി, മംഗളം, മാധ്യമം ദിനപത്രങ്ങള്ക്കും, വീഡിയോഗ്രാഫി പ്രത്യേക പുരസ്ക്കാരം ക്നാനായ വോയിസ് മാനേജിംഗ് പാര്ട്നര് റ്റിജു കണ്ണമ്പള്ളി, ഐ ഫോര് യു ന്യൂസ് റിപ്പര്ട്ടര് അജേഷ് ജോണ്, എന്നിവര്ക്കും നല്കി. ന്യൂസ് റിപ്പോര്ട്ടര്ക്കുള്ള പ്രത്യേക പുരസ്ക്കാരത്തിന്. ദേശാഭിമാനി റിപ്പോര്ട്ടര് ധനേഷ് കെ.ഒ യും അര്ഹനായി.
0 Comments