ഏറ്റുമാനൂര് മഹാദേവ ക്ഷേത്രത്തിലെ തിരുവുത്സവത്തോടനുബന്ധിച്ച് 24 മണിക്കൂറും പ്രവര്ത്തിക്കുന്ന പോലീസ് എയ്ഡ് പോസ്റ്റ് കോട്ടയം ജില്ലാ പോലീസ് മേധാവി കെ. കാര്ത്തിക് ഐ.പി.എസ്സ് ഭദ്രദീപം കൊളുത്തി ഉദ്ഘാടനം ചെയ്തു. ദേവസ്വം അഡ്മിനിസ്ട്രേറ്റീവ് ഓഫീസര് ശ്യാം പ്രകാശ്, കോട്ടയം ഡി.വൈ.എസ്.പി മുരളി എം,കെ , ഏറ്റുമാനൂര് സ്റ്റേഷന് എസ്.എച്ച്.ഓ ഷോജോ വര്ഗീസ് എന്നിവര് പങ്കെടുത്തു. ഇന്നുമുതല് 20 വരെയാണ് ഉത്സവം. ഉത്സവത്തോടനുബന്ധിച്ച് ശക്തമായ പോലീസ് സുരക്ഷയാണ് ഒരുക്കിയിരിക്കുന്നത്. ഡ്യൂട്ടിക്കായി കൂടുതല് വനിതാ ഉദ്യോഗസ്ഥരെ നിയോഗിച്ചിട്ടുണ്ട്. കൂടാതെ ഏഴരപ്പൊന്നാന, പള്ളിവേട്ട, ആറാട്ട് എന്നിവയുമായി ബന്ധപ്പെട്ട് നിലവില് ഡ്യൂട്ടിയിലുള്ള പോലീസ് ഉദ്യോഗസ്ഥര്ക്ക് പുറമേ കൂടുതല് പോലീസിനെ വിന്യസിക്കുന്നതുമായിരിക്കുമെന്നും ജില്ലാ പോലീസ് മേധാവി പറഞ്ഞു.
0 Comments