അധികൃതരുടെ നടപടിയില്‍ പ്രതിഷേധിച്ച് തരംഗിണി സാംസ്‌കാരിക സംഘത്തിന്റെ നേതൃത്വത്തില്‍ നാട്ടുകാര്‍ പാലാ സിവില്‍ സ്റ്റേഷനു മുന്നില്‍ ധര്‍ണ്ണ നടത്തി. കോടികള്‍ മുടക്കി പണിത പാലത്തിലേയ്ക്ക് 14 വര്‍ഷങ്ങള്‍ കഴിഞ്ഞിട്ടും ഒരു സൈക്കിള്‍ പോലും ഓടിക്കുവാന്‍ സാധിക്കാത്തതും, പാലത്തിലേക്ക് ഗോവണി വച്ചു കയറേണ്ട അവസ്ഥയുമാണുള്ളത്. നാടിന്റെ വികസനത്തിനായി ജനങ്ങള്‍ നല്‍കുന്ന ഭീമമായ നികുതിപ്പണം പാഴാക്കുകയാണ് അധികാരികള്‍ എന്ന ആക്ഷേപമാണുയരുന്നത്. മീനച്ചില്‍ പഞ്ചായത്തിലുള്ളവര്‍ക്ക് കുടുതല്‍ യാത്ര ചെയ്യേണ്ടി വരികയും ഇതുമൂലം സമയനഷ്ടവും സാമ്പത്തിക നഷ്ടവുമുണ്ടാകുന്നതായും പരാതി ഉയരുന്നു. റോഡ് പൂര്‍ത്തികരിക്കുന്നതു വരെ വിവിധ ജനകീയ സമരങ്ങള്‍ തൂടരുമെന്ന് ധര്‍ണ്ണ ഉദ്ഘാടനം ചെയ്ത പൗരാവകാശ സമിതി പ്രസിഡന്റ് ജോയി കളരിക്കല്‍ പറഞ്ഞു. നാടിന്റെ വികസനത്തിനു വേണ്ടിയുള്ളതാണ് ഈ പ്രതിഷേധ സമരമെന്നും സമരത്തില്‍ പങ്കെടുത്തു കൊണ്ട് പാലാ മുനിസിപ്പല്‍ ചെയര്‍മാന്‍ ഷാജു തുരുത്തന്‍ പറഞ്ഞു. തരംഗിണി സാംസ്‌കാരിക സംഘം പ്രസിഡണ്ട് ജോസഫ് വെട്ടിക്കല്‍ , സജീവ് നിരപ്പേല്‍ ,ലൈല മാക്കുന്നേല്‍ ,സണ്ണി വെട്ടം ,ജോയി മൂക്കന്‍തോട്ടം ,ജോജി തറക്കുന്നേല്‍ എന്നിവര്‍ പ്രസംഗിച്ചു.
.webp)
.webp)
0 Comments