നിരവധി മോഷണ കേസുകളിലെ പ്രതികളായ 2 ബംഗാള് സ്വദേശികള് കുമരകം പോലീസിന്റെ പിടിയിലായി. കുമരകം, തിരുവാര്പ്പ് മേഖലകളില് മോഷണം നടത്തിയ ബംഗാള് സ്വദേശികളായ ഷബീര്, മുഹമ്മദ് സൈമണ് എന്നിവരാണ് പിടിയിലായത്. കുമരകം പോലീസിന്റെ പ്രത്യേക അന്വേഷണ സംഘമാണ് ഇവരെ തൃശ്ശൂര് ജില്ലയില് നിന്നും അറസ്റ്റ് ചെയ്തത്.
2024 ആഗസ്റ്റില് കുമരകം പുതിയകാവിലുള്ള പൂട്ടികിടന്ന വീട്ടിലും, 2025 മാര്ച്ച് മാസം തുമ്പേക്കളം സെന്റ് മേരീസ് ചാപ്പലില് നിന്നും, 2025 ജൂലൈയില് ക്ഷേത്രത്തിലും, പള്ളിച്ചിറ ഗുരുമന്ദിരത്തിലും മോഷണം നടന്നതുമായി ബന്ധപ്പെട്ട് രജിസ്റ്റര് ചെയ്ത കേസുകളിലായി നടത്തിയ അന്വേഷണത്തിലാണ് ഇവര് പിടിയിലായത്. കഴിഞ്ഞദിവസം പള്ളിച്ചിറ ഗുരു മന്ദിരത്തില് മോഷണം നടത്തിയതിന് അറസ്റ്റ് ചെയ്ത ബംഗാള് സ്വദേശി മുഹമ്മദ് ഷംസുല് ഷെയ്ഖ് ഖാനെ ചോദ്യം ചെയ്തതില് നിന്നുമാണ് മോഷണ സംഘത്തെ കുറിച്ചുള്ള കൂടുതല് വിവരങ്ങള് ലഭിച്ചത്. കുമരകം സര്ക്കിള് ഇന്സ്പെക്ടര് ഷിജി.കെ യുടെ നിര്ദ്ദേശാനുസരണം എസ്.ഐ ഹരിഹരകുമാര് നായര്, SCPO യേശുദാസ്, SCPO സജയകുമാര്, SCPO സജിത്ത് കുമാര്, CPO ജാക്സണ് എന്നിവരടങ്ങിയ സംഘമാണ് കൊടുങ്ങല്ലൂരില് നിന്നും ചേര്പ്പില് നിന്നുമായി പ്രതികളെ കസ്റ്റഡിയിലെടുത്തത്.
0 Comments