പാലാ കേന്ദ്രമായി പ്രവര്‍ത്തിക്കുന്ന ആദിത്യാ ടൂര്‍സ് ആന്‍ഡ് ട്രാവല്‍സിന്റെ കുടുംബ സംഗമം, ആദിത്യോത്സവം 2025, ജൂലായ് 13 ഞായറാഴ്ച ഉച്ചകഴിഞ്ഞ് 2 ന് പാലാ വെള്ളാപ്പാട് ക്ഷേത്രാങ്കണത്തില്‍ നടക്കും. നിരവധി വര്‍ഷങ്ങളായി തീര്‍ത്ഥാടന , വിനോദ യാത്രാ മേഖലകളില്‍ സജീവമായ ആദിത്യാ ട്രാവല്‍സിനൊപ്പം യാത്രയില്‍ പങ്കെടുക്കുന്നവരും യാത്രയെ സ്‌നേഹിക്കുന്നവരും ആദിത്യോത്സവത്തില്‍ ഒത്തു ചേരും.
ആദിത്യാ യാത്രാ സംഘത്തില്‍ ഏറ്റവും പ്രായം കൂടിയ ഭാര്‍ഗ്ഗവി അന്തര്‍ജനം ആദിതോത്സവ സംഗമം ഉദ്ഘാടനം ചെയ്യും. അഡ്വ കെ.ആര്‍ ശ്രീനിവാസന്‍ അദ്ധ്യക്ഷത വഹിക്കും. ബ്രില്യന്റ് സ്റ്റഡി സെന്റര്‍ ഡയറക്ടര്‍ സെബാസ്റ്റ്യന്‍ G മാത്യു ലോഗോ പ്രകാശനം നിര്‍വഹിക്കും. റിട്ടേയര്‍ഡ് എസ്.പി സുരേഷ് കുമാര്‍ , അഡ്വ ജയസൂര്യന്‍, ഗുരുവായൂര്‍ ദേവസ്വം മെമ്പര്‍ മനോജ് ബി നായര്‍ , അഡ്വ രാജേഷ് പല്ലാട്ട്, മുത്തോലി ഗ്രാമ പഞ്ചായത്ത് പ്രസിഡന്റ് രഞ്ജിത് മീനാ ഭവന്‍, കവയിത്രി അനഘ ജെ കോലത്ത്, ബിജു കൊല്ലപ്പള്ളി, സിബി മേവിട തുടങ്ങിയവര്‍ ചടങ്ങില്‍ സംസാരിക്കും. യാത്രാനുഭവങ്ങളുടെ പങ്കുവയ്ക്കലും വിവിധ കലാപരിപാടികളും ആദിത്യോത്സവത്തിന്റെ ഭാഗമായി നടക്കും. വാര്‍ത്താ സമ്മേളനത്തില്‍ ആദിത്യാ ട്രാവല്‍സ് മാനേജിങ്ങ് പാര്‍ട്ണര്‍മാരായ ബിജു കൊല്ലപ്പിള്ളി, സിബി മേവിട തുടങ്ങിയവര്‍ പങ്കെടുത്തു.
0 Comments