കഞ്ചാവുമായി സ്ത്രീ ഉള്‍പ്പെടെ 3 പേര്‍ പോലീസ് പിടിയില്‍.

കോട്ടയത്ത് വില്പനയ്ക്കായി എത്തിച്ച കഞ്ചാവുമായി സ്ത്രീ ഉള്‍പ്പെടെ 3 പേര്‍ പോലീസ് പിടിയില്‍. കാരാപ്പുഴ പയ്യമ്പള്ളിച്ചിറ ഈശ്വരി (47), കാരാപ്പുഴ പൂത്തറ അഖില്‍ പി രാജ്  (27), കാഞ്ഞിരം ചുങ്കത്ത് അക്ഷയ് സി അജി  (26) എന്നിവരെയാണ് കോട്ടയം വെസ്റ്റ് പോലീസ്  അറസ്റ്റ് ചെയ്തത്. കോട്ടയം ജില്ലാ പോലീസ് മേധാവി ഷാഹുല്‍ ഹമീദ്  IPS ന് ലഭിച്ച രഹസ്യ വിവരത്തെ തുടര്‍ന്ന് 

ബുധനാഴ്ച വെളുപ്പിന് 12.30 യോടെ ജില്ലാ  ലഹരി വിരുദ്ധ സ്‌ക്വാഡും കോട്ടയം വെസ്റ്റ്  പോലീസും സംയുക്തമായി  നടത്തിയ പരിശോധനയിലാണ് ഇവര്‍ പിടിയിലായത് . 

കോട്ടയം പയ്യമ്പള്ളിച്ചിറ ഭാഗത്ത്  വീടിന്റെ കിടപ്പുമുറിയില്‍ വില്‍പ്പനയ്ക്കായി സിപ്പ് ലോക്ക് കവറുകളിലാക്കി  സൂക്ഷിച്ചിരുന്ന 1.713 കിലോഗ്രാം  കഞ്ചാവ് കണ്ടെത്തി.. ഒന്നാം പ്രതിയായ ഈശ്വരിയും കുടുംബവും താമസിച്ചുവരുന്ന വീടിന്റെ കിടപ്പുമുറിയില്‍ നിന്നാണ് ലഹരി വസ്തുവായ കഞ്ചാവുമായി മൂന്നുപ്രതികളെയും അറസ്റ്റ് ചെയ്തത്. കേസിലെ പ്രതികളായ അഖില്‍ അക്ഷയ് എന്നിവര്‍ mdma ഉള്‍പ്പെടെയുള്ള ലഹരിവസ്തുക്കള്‍ കച്ചവടത്തിനായി സൂക്ഷിച്ച കേസുകളില്‍ പ്രതികളാണ്. ഒന്നാംപ്രതി ഈശ്വരിയുടെ മകന്‍ സുന്ദര്‍ ഗണേഷ് കോട്ടയം വെസ്റ്റ് പോലീസ്  KAAPA നിയമപ്രകാരം ജില്ലയില്‍ നിന്നും നാടുകടത്തിയ പ്രതിയാണ്. ഇയാള്‍ക്കെതിരെ തിരുപ്പൂരില്‍ 8 കിലോ കഞ്ചാവുമായി പിടിക്കപ്പെട്ട കേസും നിലവിലുണ്ട്. ജില്ലാ ലഹരിവിരുദ്ധ സ്‌ക്വാഡിനോടൊപ്പം കോട്ടയം വെസ്റ്റ് പോലീസ് സ്റ്റേഷന്‍ SI മാരായ വിദ്യ, മനോജ്, SCPO നിബിന്‍, സിനൂപ്, സലാമോന്‍, അരുണ്‍കുമാര്‍ എന്നിവരും അടങ്ങുന്ന പോലീസ് സംഘമാണ് പ്രതികളെ അറസ്റ്റ് ചെയ്തത്. പ്രതികളെ കോടതിയില്‍ ഹാജരാക്കി.