ഇടുക്കിയില്‍ വാഗമണ്ണിന് സമീപം ചാത്തന്‍ പാറയില്‍ വിനോദ സഞ്ചാരി കൊക്കയില്‍ വീണ് മരിച്ചു. എറണാകുളം സ്വദേശി തോബിയാസാണ് മരിച്ചത്. കാഞ്ഞാര്‍ - പുള്ളിക്കാനം - വാഗമണ്‍ റോഡിലെ ചാത്തന്‍പാറയില്‍ നിന്നും കാല്‍ വഴുതിയാണ് തോബിയാസ് നൂറ് അടിയിലേറെ താഴ്ച്ചയുള്ള കൊക്കയിലേക്ക് വീണത്.
ചാത്തന്‍പാറയില്‍ ഇറങ്ങുന്നതിനിടെ കാല്‍ വഴുതി കൊക്കയില്‍ വീഴുകയായിരുന്നു. ഇന്നലെ രാത്രി ഒമ്പത് മണിയോടെയായിരുന്നു അപകടം. സുഹൃത്തുക്കള്‍ വിവരം അറിയിച്ചതിനെ തുടര്‍ന്ന് മൂലമറ്റം, തൊടുപുഴ ഫയര്‍സ്റ്റേഷനുകളില്‍ നിന്നും ഉദ്യോഗസ്ഥര്‍ സ്ഥലത്തെത്തി. കോടമഞ്ഞായതിനാല്‍ രക്ഷാപ്രവര്‍ത്തനം ദുഷ്‌കരമായിരുന്നു. അസ്‌ക ലൈറ്റ് ഉള്‍പ്പെടെ സ്ഥാപിച്ച് വടം ഉപയോഗിച്ച് കൊക്കയില്‍ ഇറങ്ങി മണിക്കൂറുകള്‍ നീണ്ട സാഹസിക ശ്രമത്തിനൊടുവിലാണ് മൃതദേഹം പുറത്തെടുത്തത്.
0 Comments