കോട്ടയം പാലാ റൂട്ടില്‍ സര്‍വ്വീസ് നടത്തുന്ന ബസ്സിനുള്ളില്‍ നിന്ന് യാത്രക്കാരന്റെ മൊബൈല്‍ ഫോണ്‍ മോഷ്ടിച്ച കേസിലെ പ്രതികള്‍ അറസ്റ്റില്‍. തിരുവനന്തപുരം സ്വദേശി 62 കാരനായ അന്‍സില്‍, മുണ്ടക്കയം സ്വദേശി 47 വയസുള്ള സുഭാഷ് എന്നിവരെ ആണ് മണര്‍കാട് പോലീസ് അറസ്റ്റ് ചെയ്ത്.ജൂലൈ 6-ാംതീയതി രാവിലെ 10.30 ന് കോട്ടയം പാലാ റൂട്ടില്‍ സര്‍വീസ് നടത്തുന്ന എവറസ്റ്റ് ബസിലെ യാത്രക്കാരനായ പറവൂര്‍ സ്വദേശിയായ അജി എന്നയാളുടെ മൊബൈല്‍ ആണ് മോഷണം പോയത്.
മോഷ്ടിച്ച മൊബൈല്‍ ഫോണ്‍ പാലായിലുള്ള ഒരു കടയില്‍ വില്‍ക്കുവാന്‍ ശ്രമിക്കുന്നതായി ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ പാലാ പോലീസിന്റെ സഹായത്തോടെ മണര്‍കാട് പോലീസ് ഇന്‍സ്പെക്ടര്‍ അനില്‍ ജോര്‍ജ്, സബ് ഇന്‍സ്പെക്ടര്‍ സജീര്‍, സിവില്‍ പോലീസ് ഓഫീസര്‍ രാജേഷ്, അരുണ്‍, ജൈമോന്‍ എന്നിവരടങ്ങുന്ന പോലീസ് സംഘം പ്രതികളെ അറസ്റ്റ് ചെയ്യുകയായിരുന്നു.. ഇവരില്‍ നിന്നും ആപ്പിള്‍ ഐഫോണ്‍ ഉള്‍പ്പെടെ മൂന്നു ഫോണുകള്‍ കണ്ടെടുത്തു. സ്ഥിരം മോഷ്ടാക്കളായ ഇവരുടെ പേരില്‍ സംസ്ഥാനത്തെ വിവിധ സ്റ്റേഷനുകളില്‍ നിരവധി കേസുകള്‍ നിലവിലുണ്ട്. അന്‍സല്‍ 12 കേസുകളിലും സുഭാഷ് 19 കേസുകളിലും പ്രതിയാണ്. കോടതി മുന്‍പാകെ ഹാജരാക്കിയ പ്രതികളെ റിമാന്‍ഡ് ചെയ്തു.
0 Comments