ഒളിവില്‍ ആയിരുന്ന രണ്ടാം പ്രതിയും പിടിയിലായി.

വൈദികനെ ഹണി ട്രാപ്പില്‍ പെടുത്തി 60 ലക്ഷത്തോളം രൂപ തട്ടിയെടുത്ത കേസിലെ ഒളിവില്‍ ആയിരുന്ന രണ്ടാം പ്രതിയും പിടിയിലായി.  ഫോണിലൂടെ വൈദികനും ആയി പരിചയത്തില്‍ ആയ ശേഷം ഹണി ട്രാപ്പില്‍ പെടുത്തി പ്രതികള്‍ മൂന്നുപേരും ചേര്‍ന്ന് വൈദികനില്‍ നിന്നും പണം അപഹരിക്കുകയായിരുന്നു. 2023 ഏപ്രില്‍ 24 തീയതി മുതല്‍ ഗൂഗിള്‍ പേ വഴിയും SIB mirror app ആപ്പ് വഴിയും 60 ലക്ഷത്തോളം രൂപ തട്ടിയെടുത്ത കേസിലെ മൂന്നു പ്രതികളില്‍ ഒന്നും മൂന്നും പ്രതികളായ നേഹ ഫാത്തിമ 25 വയസ്സ്, സാരഥി 29 വയസ്സ് എന്നിവരെ നേരത്തെ അറസ്റ്റ് ചെയ്തു കോടതിയില്‍ ഹാജരാക്കിയിരുന്നു. ഈ കേസില്‍ ഒളിവില്‍ കഴിഞ്ഞിരുന്ന രണ്ടാംപ്രതി ഇടുക്കി ജില്ലയില്‍ രാജാക്കാട് വില്ലേജില്‍ അടിവാരം ഭാഗത്തു പുളിക്കല്‍ വീട്ടില്‍ വിനോദ് മകന്‍ കൃഷ്ണജിത് പി.ഡി 27 വയസ്സ് നെയാണ് ഇപ്പോള്‍ വൈക്കം പോലീസ് അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ്  ചെയ്തു.